web counter
LEXO PA REKLAMA!

SHKARKO APP

App Store
Google Play

Zyrtarisht në modë/ Stilistët francezë konfirmojnë trendet e reja

30 Shtator 2021, 07:28, Lifestyle CNA

Java e modës në Paris nuk ka përfunduar ende, por gjithsesi kemi tendencat e para të vjeshtë- dimrit 2020-2021

Parisi është vendi që historikisht dikton modën e fundit. Edhe për këtë sezon stilistët francezë nuk kanë zhgënjyer.

Edhe diçka tjetër interesante është fakti se edhe Milano ?bie dakord? për tendencat e reja parisiane:

Cilat janë ato:

Lëkura

Lëkura në veshjet e gjitha në lëkurë do të jetë e duhura për vjeshtën dhe dimrin e ardhshëm. Xhaketat ?oversize?, fustanet e ngushta e të shkurtra, por edhe pantallonat nga lëkura klasike tek ajo lateks apo vinyl. Ngjyrat? E zeza mbretëron!

Ngjyrat-trend

Një veshje e gjitha në një ngjyrë ka kohë që propozohet si një trend i padiskutueshëm dhe mund të themi se ka qenë një tendencë protagonist edhe në javët e modës. Ashtu sikurse në Milan paletat neutrale, ngjyrat e tokës, e kuqja dhe jeshilja u prezantuan si trend, Parisi shton gjithashtu vjollcën e cila është përdorur më së shumti në xhaketa, pulovra e pantallona të ngushta.

Printi Tartan

Tartani mbetet një ndër printet më të dashura pavarësisht trendeve që ikin e vijnë sipas javëve të modës. I propozuar prej disa sezonesh nga shtëpia e modës Dior, këtë vit e shohim edhe nga Saint Laurent.

Kostumet

Gjëja që si duket, nuk do të dalë kurrë nga moda, kostumet! Madje sa më shumë mashkullore të jetë prerja aq më mirë dhe mund të themi se është një trend që po zëvendëson fundet dhe fustanet. Në prerje ?oversize? është akoma më perfekte./CNA.al

 





Lajmet e fundit nga