web counter
LEXO PA REKLAMA!

SHKARKO APP

App Store
Google Play

Dyshohet se inskenoi zhdukjen e tij në Pukë/ Si u zbulua biznesmeni italian nga karta e bankës

19 Shtator 2021, 10:27, Kronika CNA

Pas 8 muajsh i zhdukur, biznesmeni italian Davide Pecorelli dha sinjale jete, pasi nga llogaria e tij bankare u tërhoq një shumë parash.

Ky sinjal shtoi dyshimet e hetuesve italianë se ai ishte gjallë dhe nuk ishte zhdukur në Shqipëri 8 muaj më parë.

Të shtunën e 18 shtatorit, një incident me varkë zbardhi dhe misterin e zhdukjes së biznesmenit.

Një person ka njoftuar policinë se i kishte ardhur në ndihmë Davide Pecorellit, pasi motori i varkës së tij ishte djegur në ishullin e Montecristos. Ai e ka njohur biznesmenin, pavarësisht ndryshimeve që kishte bërë në pamjen e tij të jashtme.

Pas kësaj, prokurorët mbërritën në ishull, ku zbuluan se bëhej fjalë për biznesmenin italian që u zhduk në Pukë, ku makina e tij u gjet e shkrumbuar nga flakët. Davide Pecorelli ishte pajisur me dokumente false dhe duket se ka inskenuar zhdukjen e tij, për arsye që pritet t?ua rrëfejë hetuesve.

Gjithsesi, sipas autoriteteve italiane, Davide Pecorelli është një njeri i lirë, pasi ndaj tij nuk rëndon asnjë akuzë, përveç mbajtjes së dokumenteve false. Edhe në rast se e ka djegur ai makinën në Pukë, ky është një krim që ka ndodhur në Shqipëri.

Teksa të gjithë presin të zbulojnë arsyet që e shtynë për të inskenuar zhdukjen e tij, Davide Pecorelli u ka thënë gazetarëve vetëm një fjali: ?Duhet të kthehem te fëmijët e mi?./ CNA.al





Lajmet e fundit nga