web counter
LEXO PA REKLAMA!

SHKARKO APP

App Store
Google Play

E fundit!

x

Bllokohen punonjësit sezonalë në Hanin e Hotit/ Përplasen me Policinë për masat anti-Covid

15 Shtator 2021, 06:19, Aktualitet CNA

Një ditë më parë, Mali i Zi ka fuqizuar masat e reja anti-Covid. Ky veprim ka bllokuar të gjithë ata që qytetarë shqiptarë që udhëtojnë çdo ditë drejt Malit të Zi për të punuar.

Në pikën kufitare të Hanit të Hotit, raportohet se qindra  qytetarë janë bllokuar, teksa një ditë më parë janë përplasur edhe me Policinë.

Ata nuk mund të kalojnë kufirin nëse nuk kanë bërë vaksinat apo të kenë një test PCR të 72 orëve të fundit.

Por, për ta një masë e tillë ka kosto të cilën nuk e përballojnë dot.

Tamponi kushton 23 euro, ndërkohë që dita e punës nuk iu shkon më shumë se 20 euro, në rastin më të mirë apo edhe 10 dhe 15 euro, në raste të tjera.

Edhe ata që kanë vaksinën, duhet të presin 14 ditë për të kaluar kufirin.

Në këto kushte ata i bëjnë thirrje Qeverisë Shqiptare që të ndërhyjë.

Janë rreth 500-600 punonjës ditorë që mbajnë familjet me punë të ndryshme që ata bëjnë në shtetin fqinj.

1- Një vërtetim që kanë kaluar 14 ditë nga rivaksinimi, për vaksinat që jepen me dy doza, ose kanë kaluar 14 ditë nga vaksinimi për vaksinat që jepen me një dozë;

2- Një test PCR negativ Covid-19 jo më të vjetër se 72 orë, ose testin pozitiv PCR nga i cili kanë kaluar të paktën 14 ditë, por jo më shumë se 180 ditë;

3- Test negativ antigjen, jo më të vjetër se 48 orë;

Qytetarët e Malit të Zi dhe shtetasit e huaj me qëndrim të përkohshëm në Mal të Zi, të cilët nuk plotësojnë asnjë nga kushtet e mësipërme, duhet të karantinohen. Izolimi mund të ndërpritet pas një testi PCR negativ, pas ditës së gjashtë nga kalimi i kufirit./CNA.al





Lajmet e fundit nga