web counter
LEXO PA REKLAMA!

SHKARKO APP

App Store
Google Play

E fundit!

x

Lufta kundër financimeve të terrorizmit/ OSBE-UNODC trajnim për shkatërrimin e tyre

14 Shtator 2021, 16:05, Aktualitet CNA

Më 11 shtator 2021, u përmbyll në Pogradec një kurs katërditor për fuqizimin e mëtejshëm të kapaciteteve të Shqipërisë për luftën kundër financimit të terrorizmit. Kursi u organizua nga Departamenti i OSBE-së kundër Kërcënimeve Tejkombëtare, me mbështetje të Zyrës së OKB-së kundër Drogës dhe Krimit (UNODC) dhe të Prezencës së OSBE-së në Shqipëri.

Në të u trajtuan instrumentet dhe teknikat e ndryshme për vlerësimin dhe shkatërrimin e veprimtarisë terroriste, me pjesëmarrjen e njëzet e një përfaqësuesve, shtatë prej të cilëve gra, nga Drejtoria e Përgjithshme e Parandalimit të Pastrimit të Parave, Shërbimi Informativ Shtetëror dhe Policia e Shtetit.

Kursi u udhëhoq prej ekspertëve ndërkombëtarë dhe pesë trajnuesve vendas. Më shumë se gjysma e përmbajtjes iu kushtua punës praktike. Ekipet ndër-institucionale shqyrtuan ?modelin e punës? të rrjeteve terroriste dhe mësuan si të zbatojnë teknikat e ndryshme, përfshirë auditimin dhe analizën e pikave të dobëta, për shkatërrimin e financimit të terrorizmit.

Ky kurs, i mundësuar falë mbështetjes financiare të Shteteve të Bashkuara, bën pjesë në një programi trajnimi shumëvjeçar për luftën kundër financimit të terrorizmit, i cili zbatohet bashkërisht nga OSBE dhe UNODC që prej vitit 2018.

Programi i trajnimit është hartuar me synimin për ta mbështetur Shqipërinë në zbatimin e standardeve ndërkombëtare e veçanërisht të Rezolutave të Këshillit të Sigurisë së OKB-së, të tilla si Rezoluta 2462 (2019), standardet e Task Forcës për Veprimin Financiar kundër Pastrimit të Parave (FATF) dhe angazhimet e OSBE-së./ CNA.al





Lajmet e fundit nga