web counter
LEXO PA REKLAMA!

SHKARKO APP

App Store
Google Play

E fundit!

x

Merkel nesër në Tiranë/ Policia merr masa, ja si do të devijohet trafiku

13 Shtator 2021, 17:52, Aktualitet CNA

Në kuadër të vizitës së Kancelares së Republikës Federale të Gjermanisë, Angela Merkel, në Shqipëri, ditën e nesërme, policia ka marrë disa masa për sigurimin e rendit publik.

Policia ka njoftuar se në disa rrugë do të ketë bllokime dhe devijime alternative. Gjithashtu u ka kërkuar drejtuesve të mjeteve që të shmangin lëvizjen në disa segmente rrugore, me qëllim moskrijimin e mbingarkesës në trafik nga ora 09:00 deri në orën 13:00 të datës 14 shtator.

?Në kuadër të masave për sigurimin e rendit dhe sigurisë publike para, gjatë dhe pas zhvillimit të takimit të Kancelares së Republikës Federale të Gjermanisë dhe Kryeministrave të Ballkanit Perëndimor në vendin tonë, më datë 14.09.2021, në Tiranë, në disa segmente rrugore, për motive sigurie, do të ketë bllokime dhe devijime të lëvizjes së automjeteve, konkretisht në Rinas-Unaza e Re, Sauk, Rruga e Elbasanit deri tek Pallati i Brigadave.

Policia e Shtetit kërkon mirëkuptimin e drejtuesve të automjeteve që të shmangin lëvizjen në këto segmente rrugore, me qëllim moskrijimin e mbingarkesës në trafik nga ora 09:00 deri në orën 13:00 të datës 14 shtator, si dhe të përdorin rrugë alternative për të shkuar në destinacionet e tyre.

Shërbimet e Policisë do jenë prezente në të gjitha akset rrugore hyrëse dhe dalëse të qytetit të Tiranës dhe në rrugët  e tjera në brendësi të kryeqytetit, me qëllim marrjen e masave për të siguruar dhe rregulluar trafikun në rrugët alternative, si dhe për t?iu ardhur në ndihmë përdoruesve të rrugës që do kenë nevojë“, njofton policia./ CNA.al





Lajmet e fundit nga