web counter
LEXO PA REKLAMA!

SHKARKO APP

App Store
Google Play

E fundit!

x

Një grua e vrarë/ Deputetja e LSI-së Monika Kryemadhi, që zgjodhi të përfaqësojë Fierin, asnjë fjalë

11 Shtator 2021, 18:20, Politikë CNA

Sabina Bengaj u vra nga ish burri. Ngjarja e rëndë ka tronditur jo vetëm Fierin, por opinionin publik në të gjithë vendin.

Krimi pothuaj i paralajmëruar prej serisë së konflikteve; 23-vjeçarja ishte e pajisur me urdhër mbrojtjeje nga Gjykata e Fierit, çifti ishte i divorcuar, ish bashkëshorti vrasës i liruar nga gjykata edhe pse me nje dosje me precedentë të mëparshëm kriminalë, nuk kishte tërhequr vëmendjen e institucioneve shtetërore, aq sa edhe ish-bashkëshorti i saj nuk ka dashur t?ia dijë duke i marrë jetën në shtëpinë e prindërve të saj në Zhupan të Fierit, mbrëmjen e së premtes.

Mirëpo ajo që bie në sy është heshtja e kryetares së LSI-së Monika Kryemadhi, e cila për t?ia lënë vendin deputetit me 362 vota, la Tiranën dhe zgjodhi të përfaqësojë Fierin.

Jo se fjala e Monikës do të zgjidhte ndonjë gjë, por këto janë raste kur solidariteti njerëzor nxjerr në pah ndjeshmërinë ose hipokrizinë njerëzore.

Monika më së pari duhej të reagonte si grua, duhej të reagonte si nënë, por duhej të reagonte edhe si deputete që zgjodhi të përfaqësojë qarkun e Fierit, për të mos thënë se duhej të reagonte madje bashkë me bashkëshortin e saj, Presidentin e Republikës.

Por nuk reaguan as njëri dhe as tjetra. Mbase më mirë kështu. Hipokrizia është më vrasëse se sa heshtja!

Mbase janë duke hetuar se cili nga deputetët e LSI-së ia dha votën Lindita Nikollës në kandidimin e saj për kryetare kuvendi, meqë na doli se në ato katër votat kundër, njëra qenka vota e Vangjel Dules, siç bëri të ditur vetë zoti Dule, dhe nuk qenkan të gjitha votat e katër deputetëve të LSI-së!/ CNA.al





Lajmet e fundit nga