web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet kush e çoi Berishën në fund të sallës së parlamentit

10 Shtator 2021, 12:48, Politikë CNA

Sot në Kuvend, ish-kryeministri Sali Berisha e gjeti veten të ulur në rrjeshtat e fundit, jo aty ku ka qëndruar në disa nga sesionet parlamentare dhe për këtë u tha se gjithçka kishte ndodhur sipas një vendosje që kishte bërë Kuvendi, për deputetët që do të hynin në parlament.

Berisha ishte vendosur në rrjeshtat e fundit, për shkak se dje ishte përjashtuar nga Lulzim Basha, nga grupi parlamentar, e të tjera si këto.

Burime zyrtare nga Partia Demokratike i thanë CNA.al se ka qenë Alfred Rushaj, nënkryetari i PD-së, i cili ka negociuar me Kuvendin për të gjithë proçedurën që do të ndiqej në seancën e parë parlamentare.

Nga ana tjetër, sot në orët e para të mëngjesit, në ambientet e Kuvendit, sipas Gardës së Republikës, është shfaqur Marash Logu, me statusin e këshilltarit juridik të Lulzim Bashës.

Logu ka hyrë në parlament, dhe sipas një skeme të dhënë nga Lulzim Basha ka përcaktuar edhe vendin e deputetëve.

Pra, ka qënë vetë Lulzim Basha, që nëpërmjet Marash Logut, ka vendosur ku do të ulej Sali Berisha, dhe cila do ishte vendndodhja e secilit prej deputetëve të Partisë Demokratike.

Në media u komentua se vendosja ishte bërë ndryshe. Ka qenë Kuvendi, më pas Berisha kur ka vajtur i ka gjetur të gjitha vendet e zëna dhe aty i është lënë hapësira, shumë lajme abuzive.

Por, në fakt e vërteta është se ka qënë Marash Logu, i cili ka bërë vendosjen e deputetëve pas skemës së dhënë nga Lulzim Basha.

Ky është një lajm i konfirmuar zyrtarisht nga burime të PD-së, të cilat theksuan se nuk mund të kishte një qasje tjetër për vendosjen pas vendimit të dhënë nga kryetari i Partisë Demokratike, Lulzim Basha./CNA.al





Lajmet e fundit nga