web counter
LEXO PA REKLAMA!

SHKARKO APP

App Store
Google Play

E fundit!

x

“Sahan-lëpirësa që vijnë vërdallë Shqupit”/ Ish-sekretari i PD, ia thotë troç Berishës

10 Shtator 2021, 11:52, Politikë CNA

Ish, Sekretari i degës së PD në Korçë, Devis Osmani, ka folur pa dorashka, ndërsa ka komentuar lëvizjet e fundit në Partinë Demokratike.

Osmani, i cili bashkë me disa funksionarë të tjerë u larguan nga dega e PD-së në Korçë, në muajin Korrik, duke dhënë dorëheqjet nga postet që mbanin, thotë për CNA.al, se një veprimi tillë pritej në PD.

Sipas Osmanit Berisha duhej ta kishte parashikuar një gjë të tillë, pasi sinjalet ishin dhënë që më herët, por përkundrazi ai nuk reagoi.

?Rrite gjarprin të hajë kokën. Më vjen keq për Berishën,por këtë duhet ta parashikonte jo kur i erdhi pas kurrizit të tij.  Se edhe ne të tjerët nuk jemi më pak demokrat se Luli apo Berisha, përkundrazi e duam më shumë PD sepse duam vendin tonë.

E prisja një vendim të tillë sepse një njeri që mashtron dhe mban peng një parti të madhe si PD patjetër, që për interesat e tij dhe të atyre importeve që sjell në PD ishte e pashmangshme, që do vinte kjo ditë?, është shprehur Osmani.

Osmani shprehet i keqardhur për çdo gjë që ka ndodhur në PD, pjesë e kësaj çorbe ishte edhe Berisha.

?PD është aset i Shqipërisë, ky ka qënë vizioni dhe përkushtimi im.

Por, sot më vjen keq por çdo gjë ka marrë fund dhe pjesë e kësaj çorbe është edhe Berisha.

Jo, nuk dal krah sepse nuk më doli njeri mua në krah, kur pas 8 vitesh opozitë të vështirë ndodhën ato që ti i di mirë.

Korça ka djem dhe vajza demokrate që i kalojnë pritshmëritë edhe të atyre sahan-lëpirësave që vijnë vërdallë Shqup-it por asnjëherë nuk janë vlerësuar.

Kam nxjerrë një përfundim që Lidershipi i PD si ai i kohës të Berishës si ai sot (më keq) nuk i duan Korçarë dhe Korçarët nuk janë budallenj ?boll më?, shprehet ndër të tjera, Osmani./CNA.al





Lajmet e fundit nga