VIDEO/ Armando Broja është heroi, Shqipëria i tregon forcën Hungarisë

5 Shtator 2021, 17:49, Sport CNA

Shqipëria ka arritur të fitojë ndaj Hungarisë me shifrat 1-0 ndaj Hungarisë në ?Elbasan Arena?, falë rrjetës së Armando Brojës, i cili theu ?tabunë? dhe i dha kuqezinjve golin e parë në histori ndaj Hungarisë.

Skuadra jonë ishte gjatë gjithë ndeshjes skuadra më e mirë në fushë, por mbërritja te goli ishte e vetmja gjë që i mungoi skuadrës së Rejës. Që në minutat e para Shqipëria ishte një skuadër me pretendime të qarta dhe imponuese me lojën e saj.

Hungaria shpejt iu nënshtrua skuadrës sonë dhe tentoi të mbrohet, duke tentuar ndonjë sulm të shpejtë, të ndalur nga Berisha dhe nga qendra e mbrojtjes. Ndërkohë, në krahun tonë një goditje e Uzunit dhe një rast flagrant i Kumbullës pak metra nga porta ishin dy rastet më flagrante të pjesës së parë.

Nuk kemi si të mos përmendim debutimin e Nedim Bajramit, i cili në pjesën e parë i shtoi shumë ?sharm? e cilësi lojës së skuadrës së Edy Rejës. Edhe në të dytën kombëtarja jonë ishte ?e zonja? e fushës dhe e dominoi kundërshtarin, duke krijuar raste të pastra dhe mos i lënë asnjë hapësirë miqve.

Fillimisht ishte Balaj, që humbi një rast përballë me portierin e Hungarisë. Më pas kishim mundësi të shënonim me dy goditje dënimi, por sfera gjeti murin e miqve. Në minutat e fundit Çekiçi kishte një rast shumë të mirë, por nuk ia arriti qëllimit.

Në 10 minutat e fundit sulmet e Shqipërisë ishin shumë më intensive dhe agresive, por sërish finalizimi mungoi. Kjo ndodhi deri në minutën e 87, kur Armando Broja mori një top nga Roshi, që e befasoi mbrojtjen. Djaloshi bëri gjithçka mirë, gjeti hapësirën me klas dhe goditi në këndin e pakapshëm për portierin.

Një gol shumë i rëndë i djaloshit, që është i pari për të në kombëtare dhe vjen në momentin kur na duhej më shumë sepse vinim pas një humbje zhgënjyese ndaj Polonisë. Me këtë triumf, Shqipëria shkon në kuotën e 9 pikëve pas 5 raundeve, duke u renditur momentalisht e dyta, pas Anglisë, mundi me ?poker? Andorrën.

FT: SHQIPËRI ? HUNGARI 1-0

Broja 87?

KOMENTI LIVE:

87? GOOOOOOL SHQIPËRIA 1-0/ Spektakolar Broja! Sulmuesi kuqezi i magjeps të gjithë me një predhë fantastike, duke e dërguan topin në cepin e portës! Gol historik në portën hungareze!

86? Shumë pranë golit Hungaria me Szobozlain, tantiva e tij nga e majta e zonës, shkon jasht kudratit.

68? Tjetër zëvendësim i detyruar, largohet nga fusha Abrashi, vendin e tij e merr Çekiçi.

62? Zëvendësim te Kombëtarja, largohet Bajrami, vendin e tij e merr Laçi. Një zëvendësim i detyruar, për shkak të një dëmtimi në kofshë.

Mbyllet pjesa e parë!

33? E pabesueshme çfarë humbet Kumbulla! Mbrojtësi kuqezi bën më të vështirën shumë pranë vijës fatale, duke e dërguar topin jashtë kuadratit!

29? Nedim Bajrami provon të realizojë një supergol nga goditja e dënimit, por tentativa e mesfushorit ka shkuar jashtë kuadratit.