web counter
LEXO PA REKLAMA!

SHKARKO APP

App Store
Google Play

E fundit!

x

Humbja me Poloninë dhe sfida me Hungarinë, Reja surprizon me deklaratën: Nuk pyes Uzunin për kundërshtarët, Broja s’më ka dhënë atë që pres

4 Shtator 2021, 11:42, Sport CNA

Kombëtarja shqiptare e futbollit luan nesër në 18:00 me Hungarinë në ?Elbasan Arena?. Për ndeshjen kualifikuese të Kupës së Botës, ka folur edhe trajneri Edy Reja në konferencën për shtyp. Pas katër ndeshjeve në grupin I, Hungaria ka 7 pikë ndërsa Shqipëria 6 pikë. Kujtojmë se dy ditë më parë Shqipëria humbi 4-1 me Poloninë në Varshavë.

?Është Hungaria skuadra e duhur pas humbjes me Poloninë?

Është koha që të rikuperojmë rezultatin negativ. Paraqitja sipas meje në Poloni ka qenë e mirë, paçka se rezultati dhe humbja 4-1 nuk thonë kështu dhe ishte e padrejtë. Unë dua që të kemi shpirtin në fushë njëjtë siç e kishim para dy ditësh. Lujamë me Hungarinë në shtëpi, të bëjmë një ndeshje të mirë dhe të fitojmë.

Me Poloninë edhe mund të humbasësh. Të gjitha ndeshjet janë të rëndësishme, le të bëjmë një garë të mirë. Kemi përballë një kundërshtar të fortë dhe me kualitet. Të jemi të përqëndruar dhe të shpresojmë që me më shumë vendosmëri rezultati të jetë në anën tonë. Të mos humbasim përqëndrimin sepse në ndeshjen e shkuar nuk e kishim.

Kundërshtari ka trajner italian (Rossi), vendosje taktike e njëjtë? Filozofia e gjithsecilit është e ndryshme, nuk ka të thotë se është italian dhe do luajmë njësoj. Në planin difensiv dhe fizik janë të fortë. Ne kemi lojtarë të shpejtë që mund t?i zëmë në befasi. Formacionin e vendosim nesër. Kemi tre mungesa dhe për shkak duhet mbase të ndryshoj vendosjen e ekipit.

Me Poloninë mirë në sulm dhe jo në mbrojtje. Ka limite skuadra? Nëse bëjmë një analizë preçize, ne shkuam 16 herë në portë ata 5 herë. Goditëm më shumë se ata portën. Kur pëson katër gola, kuptohet që kemi bërë keq dhe gabimet ishin individuale. Të gjithë thonë se pas golave kemi bërë keq në mbrojtje. Golat nuk erdhën nga gabimet taktike, skema do jetë e njëjtë. Kemi edhe Bajramin.

Broja dhe skema ? Broja në gjastë ndeshje ka treguar veten e  tij, ka të ardhme por nuk më ka dhënë atë që pres. Do jetë në stol dhe do mbështetem te ai nëse më duhet. Do mendoj deri nesër në mengjës për skemën dhe për Bajramin nëse do jetë.

Në eleminatore çdo ndeshje është vendimtare, Anglia është favorite grupi. Ne kemi detyrë që çdo ndeshje në shtëpi të marim fitore, Hungaria është kundërshtar direkt dhe ndeshje jetike për ne.

Uzuni? Në botën e sotme nuk është e vështirë të dish sesi luan kundërshtari, i pamë kundërshtarët në Europian. Me Uzunin mund të flas për Ferencvaros, jo për Hungarinë. Ka shumë mundësi të jetë në fushë me mungesën e Manaj, është një lojtar që na bën punë.

Thirrje për tifozët? Më në fund, është gjë e mirë që I kemi pas kaq kohësh. Do jetë një avantazh për ne, sepse kur luan pa ta duket sikur është miqësore. Jam i lumtur dhe e jashtëzakonshme që i kemi, sepse pa ta nuk ka kuptim.

E njihni trajneri Rossi personalisht, pikat më të forta të tyre ? E njoh që është shumë korrekt, serioz dhe I aftë. Kolektivi dhe grupi që kanë është më I mirë. Më pëlqen shpirti i tyre i sakrificës. Të kërkojmë hapësirat që na lënë, janë skuadër e vështirë dhe fizike?, tha Reja.





Lajmet e fundit nga