web counter
LEXO PA REKLAMA!

SHKARKO APP

App Store
Google Play

E fundit!

x

Mario Mandzukic i thotë lamtumirë futbollit të luajtur

3 Shtator 2021, 15:20, Sport CNA

Mario Manxhukiç ka vendosur që t?i japë lamtumirën futbollit të luajtur. Sulmuesi kroat, pas një karriere të pasur me suksese me disa prej klubeve më të njohura në Europë mes të cilave Atletiko, Bajern, Juventus apo edhe Milan, ka vendosur që është momenti të ndalet.

Ai e ka bërë lajmërimin e tij në rrjetet sociale me një postim të veçantë. Ajo ishte një letër që i drejtohej Marios së vogël, duke përshkruar etapat e karrierës dhe momentet e lumtura që do të kalonte. Sigurisht, nuk mund të mungonte një mbyllje në stilin Manxhukiç.

POSTIMI I MANXHUKIÇ

?I dashur Mario i vogël, ndërsa vesh këta këpucë për herë të parë, as nuk mund të imagjinosh çfarë do të provosh në botën e futbollit. Do të shënosh gola në fazat më të rëndësishme dhe do të fitosh trofetë më të mëdhenj me klubet më të mëdhenj. Duke përfaqësuar me krenari edhe Kombin tënd, do të kontribuosh që të shkruash historinë e sportit kroat.

Do të kesh sukses pasi do të kesh përkrah teje njerëz të mirë: shokë skuadre, trajnerë, tifozë dhe familjarë, menaxherë dhe miq që do të jenë gjithmonë aty për ty. Do t?u jesh gjithmonë mirënjohës të gjithë atyre!

Mbi të gjitha, do të kesh sukses pasi do të japësh gjithmonë maksimumin. Në fund, kjo është ajo për të cilën do të jesh më krenar. Do të sakrifikosh shumë, por do ta dish që ia vlejti për të gjithë ato momente të pabesueshme.

Do ta kuptosh kur është momenti të tërhiqesh, të vendosësh këto këpucë në një dollap dhe nuk do të kesh pengje. Futbolli do të jetë gjithmonë pjesë e jetës tënde, por do të presësh me padurim që të fillojë një kapitull i ri. Argëtohu!

Mario yt i madh

P.S. Nëse të ndodh që të luash kundër Anglisë në Kupën e Botës, të jesh gati rreth minutës 109?.





Lajmet e fundit nga