web counter
LEXO PA REKLAMA!

SHKARKO APP

App Store
Google Play

E fundit!

x

Hillary Clinton telefonon Ramën/ Zbardhet biseda mes tyre

4 Shtator 2021, 15:32, Aktualitet CNA

Ish-sekretarja e Shteteve të Bashkuara të Amerikës, Hillary Clinton, ka zhvilluar një bisedë telefonike me kryeministrin Edi Rama pasditen e të premtes.

Zonja Clinton përmes kësaj telefonate ka falenderuar kryeministrin Edi Rama për gatishmërinë dhe kujdesin e treguar në sjelljen në Shqipëri dy ditë më parë të 37 grave dhe vajzave afgane aktiviste të shoqërisë civile, mes tyre edhe ish-gazetarja e Tolo TV, Behishta Arghand. Këtë e kanë bërë të ditur burimet për Top Channel.

Organizata joqeveritare ?Vital Voices?, themeluar nga Hillary Clinton dhe ish-sekretarja amerikane e shtetit Madeleine Albright, mundësuan nxjerrjen nga Afganistani të këtyre grave dhe vajzave, të cilat  tashmë janë të strehuara në vendin tonë.

Organizata Vital Voices prej disa javësh u vu në kontakt me qeverinë shqiptare për të përmbyllur me sukses këtë operacion delikat e të vështirë për nxjerrjen nga Afganisani të këtyre 37 aktivisteve afgane të cilat fillimisht qëndruan në Katar e vijuan udhëtimin drejt Shqipërisë.

Ishte vetë kryeministri Edi Rama i cili në një intervistë për mediat ndërkombëtare disa javë më parë tha se janë disa organizata të njohura në botë të cilat i kanë kërkuar ndihmë Shqipërisë në strehimin e njerëzve të tyre.

Deri më tani në Shqipëri kanë mbërritur 644 qytetarë afganë të cilët kanë punuar në të shkuarën për disa organizata ndërkombëtare si US AID, përfshi gazetarë.

Ndërsa The Yalda Hakim Foundation themeluar nga gazetarja e BBC Yalda Hakim, shpëtoi nga Afganistani duke strehuar në Shqipëri 59 studentë nga American University of Kabul, mes tyre edhe disa vajza nga minoriteti Hazara në rrezik për jetën.

Pjesa më e madhe e 644 afganëve, janë akomoduar në Qytetin Studenti në Tiranë por edhe në Durrës e Lezhë, në pritje të procesit të marrjes së vizës së posaçme amerikane SIV./ CNA.al





Lajmet e fundit nga