E fundit!

12:38 Aktualitet

Sloganet kundër në protestë/ Berisha: Janë vegël e opozitës së opozitës

Kryetari i Partisë Demokratike, Sali Berisha, ka deklaruar...

“Ky është një mision i lig”/ Bujar Nishani zbulon projektin politik të Lulzim Bashës

1 Shtator 2021, 07:41, Politikë CNA

Ish-presidenti dhe ish-kreu i Këshillit Kombëtar të PD-së, Bujar Nishani vijon të jetë një ndër zërat më kritikë, në drejtim të kreut të kësaj force politike, Lulzim Basha.

Në një intervistë për CNA.al, ish-presidenti Nishani ndërsa ka komentuar mbledhjen e Këshillit Kombëtar të PD-së, ditën e hënë, ka theksuar Basha, thjeshtë vijoi aktet e tij për të denigruar më tej Partinë Demokratike.

Sipas Nishanit që pas 25 prillit, ka pasur një agresion për të kapluar çdo qelizë të PD, nga një njeri që sipas tij po i sjell dështime të njëpasnjëshme.

?Për fat të keq të Partisë Demokratike së pari por edhe për vetë sistemin politik në Shqipëri, që pas humbjes së rëndë të 25 prillit, kjo parti është keqtrajtuar, keqpërdorur dhe denigruar përmes akteve të shëmtuara inicuar nga kryetari në detyrë i PD. Që pas 25 prillit kemi parë një maskaradë politike me të ashtuquajtura proçese zgjedhore. Thjesht ka patur një agresion për të kapluar çdo qelizë të saj si peng i një njeriu që prej 8 vitesh veçse e fundos thellë e më thellë në pusin e dështimeve atë parti që duhet të ishte sot shpresa e madhe e shqiptarëve.?-tha Nishani.

Më tej, ai theksoi se veprimet Bashës, po nxjerrin në dritë ?misionin e tij të lig?, sikurse e cilësoi ai, për tkurrjen e Partisë Demokratike.

Sipas Nishanit, problemi i madh sot është projekti i importuar në PD për defaktorizimin e saj politik.-raporton CNA.al

?Kjo gjë jo vetëm nuk i bën aspak përshtypje L. Bashës por po del gjithmonë e më shumë në dritë të diellet, misioni i lig për tkurrjen, zvogëlimin dhe kthimin e asaj force politike në një mekanizëm formal pa peshë politike dhe aspak kërcënuese për regjimin që ka marr sot peng Shqipërinë.

Eshtë hera e parë pas 30 vitesh që nga krijimi i asaj partie që evente të tilla madhore si Kuvendi Kombëtar, zgjedhja e Këshillit Kombëtar apo e Kryesisë nuk ngjall kurrfarë interesi për opinionin publik. Kjo për një arsye kryesore. Sepse askush sot nuk sheh tek PD forcën për të imponuar ndikim politik në zhvillimet politike apo vendit në tërësi.

Pas 25 prillit PD duhej të kishte hyrë në proçese të thella reflektimi, analize, transformimi, ristrukturimi e modernizimi.

Por kryetari në detyrë dhe përgjegjësi kryesor i kësaj situate ka krejt tjetër axhendë nga ajo që kanë nevojë sot PD, sistemi politik tek ne dhe dinamika e vendit në tërësi.

Ndaj nuk ka ndonjë vlerë për tu shqetësuar se kush është përjashtuar e se kush është emëruar. Problemi i madh sot është projekti i importuar në PD për defaktorizimin e saj politik.?-deklaroi Bujar Nishani, për CNA.al.