web counter
LEXO PA REKLAMA!

SHKARKO APP

App Store
Google Play

Kryesia e re e PD/ Kadilli i nxjerr të palarat Bashës: Votimi fiktiv, dy e treta janë emërime

31 Gusht 2021, 17:59, Politikë CNA

Ish-kandidati për kryetar të Partisë Demokratike, Fatbardh Kadilli, ka komentuar votimin e kryesisë së re të PD dje, ku ai vetë u skualifikua pasi arriti të marrë vetëm 39 vota.

Në një prononcim ekskluziv për CNA.al, ai u shpreh se votimi ishte fiktiv pasi 2/3 ishin emërime të paracaktuara nga Basha.

?Kryesia është mesazhi që jep Kryetari i Partisë. Dha dy mesazhe të gabuara. E filloi me shtimin e pakuptimtë të funksioneve. Kryesia do ketë rreth 40 e më shumë anëtarë. Vetëm sekretarë janë 12.

Shtoi dhe dy nënkryetarë. Shtimi i anëtarëve bëhet që të realitivizohet pesha dhe mbledhjet bëhen jo produktive.

Të njëjtën gjë bëri me Këshillin. Dikur këshilli Kombëtar kishte 100 anëtar. Më 2014 e bëri 150 plus deputetet dhe të tjerë shkonte në mbi 200 anëtarë. Me 2018 e bëri 220 plus mbi 100 ex-ufficio dhe shkonte 350. Tani e ka afër 500. Salla ku mblidhet këshilli nuk i nxinte dot as gjysmën. Rrinin në këmbë  dje. Ngjante si takim elektoral. Duhet të shkosh një-dy orë para nëse do të kapesh ndonjë vend ulur. Mesazhi tjetër i gabuar është mënyra e zgjedhjes së forumeve. Këshilli Kombëtar pa asnjë verifikim vote, aq sa nga 330 që duhet të votoheshin, shpallen fitues 338. As nuk i kishin numëruar mirë. Dhe Kryesia u zgjodh pa kandidaturë alternative. Më shumë se 2/3 janë emërime të Bashës të pavotuar.

Pra, zmadhim numrin e anëtarëve për të ulur peshën politike dhe nuk bëri zgjedhje por emërime.

Por, më e rënda është që nuk lejoi hapsirë as për kritikët dhe as për rivalët. Del dhe flet se do zgjeroj bashkëpunimin me qytetarët dhe largon kritikët dhe rivalët. Kjo e bën të pabesushëm si në çdo gjë.

E përsëris. 2/3 janë emërime. Janë 4 nënkryetarët, 12 sekretarët, 4 drejtuesit e komisioneve zgjedhore, etikës, financave, shto dhe zëdhënësin dhe sekretarin e marrëdhënjeve me jashtë bashkë me drejtuesit e forumeve partnere bëhen 25-6 anëtare nga 40 që ka kryesia që nuk janë votuar por emëruar. Të tjerat nuk kanë më rëëndësi?, tha Kadilli./CNA.al





10:08 Politikë

Dimri i madh PD-LSI

Kush ka menduar se Partia Demokratike dhe Lëvizja Socialiste...

Lajmet e fundit nga