LEXO PA REKLAMA!

SHKARKO APP

Ministria e Bujqësisë dhe Doganat përfshihen në krim/ Pesticidet kineze zbulojnë të implikuarit

31 Gusht 2021, 13:33, Aktualitet CNA
Ministria e Bujqësisë dhe Doganat përfshihen në krim/

Pesticidet kineze të cilat janë futur kundërligjshëm në Shqipëri në vitin 2018, implikojnë në skandal, të paktën tre dikastere shtetërore.

Ministria e Bujqësisë, Doganat por edhe sistemin e drejtësisë, i cili ka heshtur përballë krimit të rëndë, që nëpërmjet produkteve bujqësore ka shkuar në tavolinat e qytetarëve.

Për të futur pesticide në Shqipëri do të duhet të ketë një çertifikim të standardit të Bashkimit Europian, por kjo nuk ka ndodhur.

CNA.al, nga burimet e saj në Doganë se kompanitë që pretendohej se kanë sjellë pesticicidet në Shqipëri, një kompani gjermane dhe një kompani spanjolle kanë qenë me probleme.

Sipas të njëjtave burime, për këtë skandal ka pasur edhe një përplasje e konflikt mes zyrtarësh.

Sipas dokumentacioneve që do t?i risjellim më poshtë, dyshohet se ka përfshirje të zyrtarëve të lartë, të cilët kanë favorizuar këtë skandal që i ka fillesat në 2018, ku pesticide nga Kina kanë hyrë në territorin shqiptar dhe mesa duket tashmë janë konsumuar nëpërmjet ushqimeve të ndryshme nga qytetarët shqiptarë.

Sipas burimeve zyrtare dhe të dhënave të dokumentuara nga CNA.al, i gjithë procesi i futjes në Shqipëri të këtyre pesticideve kineze të pakontrolluara, jashtë standardit të BE-së, është bërë duke përdorur për mbulim një kompani spanjolle.

Nga ana tjetër nuk është vërtetuar lidhja e kompanisë spanolle me pesticidet që mund të garantonte cilësinë dhe standardin e BE-së.

Dokumentet e siguruara nga CNA.al,  tregojnë sesi sasira të mëdha, me mijëra pako pesticide për bujqësinë, kanë hyrë në Shqipëri nëpërmjet Durrësit, apo që janë zhdoganuar më pas, në doganën e Beratit.

Bëhet fjalë për rreth dy mijë kilogram në një zë, më pas 2500 litra në një zë tjetër, dy mijë litra në një zë, dhe një mijë kg në një zë tjetër.

CNA.al, gjithçka ka shkuar drejt Prokurorisë së Durrësit, për t?u hetuar si një skandal dhe gjithashtu ka pasur edhe një informacion të plotë, dhënë nga Drejtoria e Analizës, Riskut dhe Monitorimit, në dogana.

?Prokuroria e Durrësit në shkresën e prot të datës 26.04.2019, ka kërkuar ti sigurojmë informacion për eksportin në drejtim të Republikës së Shqipërisë, në lidhje me produktet e zhdoganuara nga shoqëria AGRO-ZANI shpk, me përfaqësues ligjor Leonora dhe Ramazan Kapplani si dhe shoqëria me përfaqësues ligjor Adriatik Haderi, ku kanë deklaruar për zhdoganimin pranë doganës Shqiptare, artikuj dhe preparate të ndryshme për përdorim në bujqësi, të importuara nga Kina, të cilat nuk lejohen të importohen në Shqipëri, pasi ligji përcakton qartë që këta artikuj duhet të importohen nga një vend i Bashkimit Europian?, thuhet në raportin e Doganës.

Po sipas këtij dokumenti, raportohet për një sasi të hyrë në datën 6 shkurt të vitit 2018, më pas një sasi tjetër në 29 mars të vitit 2018, një sasi e tretë në 30 prill të vitit 2018.

Në këto kushte dhe me këto dokumente, veçse duhej të kishte filluar tashmë një hetim për krim, koka e të cilit ka lidhje me Ministrinë e Bujqësisë dhe Doganat.

CNA.al do të sjellë ditët në vijim skandale të tjera q ëkanë lidhje me Ministrinë e Bujqësisë dhe që janë faktuar nga Kontrolli i Lartë i Shtetit dhe që bëjnë përgjegjës ish-kreun e Ministrisë së Bujqësisë Edmond Panariti dhe ish-sekretarin e përgjithshëm të Ministrisë së Bujqësisë, Vojo Bregu.

Ditët në vijim CNA.al do të sjellë me detaje shkeljet e gjetura nga KLSH-ja që bëjnë përgjegjës dyshen Panariti-Bregu për tendera të caktuar./CNA.al

Ekskluzive-Skandali, plehra kimike kineze për shqiptarët

Dokumentet ekskluzive-Thellohet skandali me plehrat kimike kineze në Shqipëri/ Zbulohen të tjera detaje

Skandali-Pesticide kineze për shqiptarët/ CNA.al sjell të tjera dokumente

Lajmet e fundit nga