E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Lista e plotë/ Anëtarët e rinj të Kryesisë së PD, kush iku dhe kush mbeti

31 Gusht 2021, 08:52, Politikë CNA

Partia Demokratike dje ka mbledhur Këshillin Kombëtar dhe ka zgjedhur Kryesinë e saj të re.

CNA.al ka raportuar deri në orët e para të mëngjesit, menjëherë pas mbylljes së procesit të numërimit se kush ishin dhjetë anëtarët e rinj të kryesisë, sipas fletës së votimit ku nga 42 emra, zgjidhej ¼ e tyre.

CNA.al renditi emrat fitues dhe sot, ashtu sikurse raportuam në orët e para të mëngjesit, pas mesnate, po sjellim listën e plotë me emrat dhe votat që ka marrë secili kandidat.

Bien në sy dy kandidatët më pak të votuar, të cilët janë Kasem Mahmutaj me vetëm 7 vota dhe Ramadan Likaj, me vetëm 8 vota.

Ndërkohë, më të votuarit e listës së paraqitur nga Lulzim Basha në Këshillin Kombëtar janë Gerti Bogdani me 281 vota dhe Tomor Alizoti me 179 vota.

Ajo që bie në sy nga ana tjetër, është një barazim me 114 vota, midis Luan Baçit dhe Gent Strazimirit, të cilët duhet të sigurojnë vendin e 10-të të anëtarit të Kryesisë.

Gjithashtu në Kryesi do të hyjë për herë të parë Agron Gjekmarkaj, do të hyjë gjithashtu Xhelal Mziu dhe do të kemi edhe disa emra që largohen nga Kryesia.

Në Kryesi nuk përfshihet më Fatbardh Kadilli dhe Enno Bozdo. Të dy ish-anëtarë të Kryesisë.

Nga ana tjetër dhe njëri nga rivalët e Lulzim Bashës, siç është Agron Shehaj nuk ka mundur të sigurojë votat për të qënë anëtar i Kryesisë së Partisë Demokratike.

Po ashtu janë shumë emra që largohen, mes të cilëve edhe Jamarbër Malltezi, deputetë të cilët nuk kanë mundur dot të sigurojnë votat për të qënë anëtarë të Kryesisë, përfshirë këtu edhe drejtues qarqesh dhe kryesues të listës politike të Lulzim Bashës.

Më poshtë CNA.al po sjell emrat e të gjithë kandidatëve për anëtar të Kryesisë, dhe votat përkatëse për secilin.

Agron Gjekmarkaj 167 vota

Agron Kapllanaj 102 vota

Agron Shehaj 46 vota

Akil Kraja 62 vota

Aldo Bumçi 120 vota

Arbi Agalliu 39 vota

Bardh Spahia 103 vota

Bledjon Nallbati 34 vota

Çlirim Gjata 54 vota

Dashnor Sula 55 vota

Ennon Bozdo 78 vota