web counter
LEXO PA REKLAMA!

SHKARKO APP

App Store
Google Play

Po planifikonte vrasje me pagesë/ Zbulohet lidhja e të arrestuarit me bandat dhe të “fortin” e Shijakut

30 Gusht 2021, 08:57, Kronika CNA

Policia e Durrësit parandaloi një ngjarje të mundshme kriminale, duke vënë në pranga tre shtetas të cilët dyshohet se do të kryenin një vrasje me pagesë.

Njëri prej të arrestuarve është Aldi Mustafa, një emër jo i panjohur për policinë.

Sipas gazetares Dorjana Bezat, Aldi Mustafa më herët ka qenë anëtar i një bande të njohur në Durrës, ndërsa kohët e fundit ka pasur lidhje me ?Rrumin?, një personazh i njohur dhe i përfolur në ngjarje kriminale, siç ishte dhe atentati ndaj ish-prokurorit Arjan Ndoja.

Sipas Bezatit, Mustafa është shok i Alekasandër Lahos, ose ndryshe Pëllumb Muharremit, i njohur si i ?Forti i Shijakut?, i cili i shpëtoi atentatit që iu bë makinës së ish-prokurorit.

Policia gjatë operacionit arrestoi dhe dy persona të tjerë, shtetasit, U.Z dhe T.GJ.

Tre shtetasit dyshohet se po planifikonin të kryenin një vrasje me pagesë.

Ata kanë tentuar të arratisen nga policia duke e goditur, por nuk kanë mundur të shpëtojnë duke përfunduar në pranga, falë ndihmës së shërbimeve të tjera policore.

Gjatë kontrollit të ushtruar në mjet u gjetën: 3 armë zjarri pistoletë me fishekë në fole, 1 armë zjarri mitraloz me fishekë në fole gati për qitje, municion luftarak, 2 laptopë, 9 telefona celularë dhe 1600 euro, të cilat u sekuestruan në cilësinë e provës materiale së bashku me automjetin./ CNA.al





Lajmet e fundit nga