web counter
LEXO PA REKLAMA!

SHKARKO APP

App Store
Google Play

CDU e Merkel goditet nga përmbytjet/ Në Gjermani priten negociatat komplekse pas zgjedhjeve

9 Gusht 2021, 18:04, Kosova & Bota CNA

Gjermania po e përgatit veten për negociata komplekse për formimin e qeverisë së re pas zgjedhjeve në shtator. Liderët e dy partive kryesore kanë dështuar në reagimet e tyre për përmbytjet e muajit të fundit duke bërë që partitë e vogla të rrisin mbështetjen.

Një koalicion mes Unionit Kristian Demokrat (CDU) të kancelares në largim, Angela Merkel dhe Të Gjelbërve është parë si koalicioni më i mundshëm shtatë javë para zgjedhjeve dhe sondazhet u japin shumicë qeverisëse.

Por, përmbytjet që sollën dëme katastrofike dhe humbje jete në perëndim të Gjermanisë kanë vënë në vështirësi kandidatët e CDU dhe Të Gjelbërve. Pavarësisht disa vizitave në zonat e dëmtuara, pas ardhësi i Merkel, Armin Laschet po has vështirësi në krijimin e një imazhi të një menaxheri kompetent për zgjidhjen e krizave.

Katër javë pas përmbytjes, CDU ka pasur një rënie në sondazhe nga 29% në 26%. Sipas një sondazhi të ?Infratest Dimap?, Laschet dhe Annalena Baerbock e Të Gjelbërve janë kandidatët me mbështetjen më të ulët që prej vitit 1998.

Një bashkim i sondazheve të publikuar nga ?Pollytix Strategic Research?, tregon se CDU dhe Të Gjelbërit nuk do të mund të arrijnën të formojnë shumicën e qeverisëse.

Kjo do të thotë se për formimin e qeverisë së ardhshme në Gjermani do të duhet dhe një partie e tretë në koalicion.

I vetmi kandidat që ka njohur rritje pas përmbytjes është Olaf Scholz i Social Demokratëve, ministri i Financave në koalicionin aktual të Merkel.

Hera e fundit që në Gjermani u tentua që formohej një koalicion me tre parti ishte viti 2017, por që u rrëzua vetëm pas dy muajsh negociata./euronews





Lajmet e fundit nga