E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

“Qeveria gjysmake dhe opozita inekzistente”/ Demokratët “masakrojnë” Bashën: Ju jeni fatkeqësi

3 Gusht 2021, 19:16, Politikë CNA

Kryetari i Partisë Demokratike, Lulzim Basha e ka cilësuar alarmante situatën e zjarreve në vend.

Në një postim në rrjetet sociale, ndërsa shpreh ngushëllimet për ndarjen nga jeta të një personi në Gjirokastër, Basha akuzon qeverinë, se nuk ka ndërmarrë masat e duhura për normalizimin e situatës.

?Masat gjysmake te qeverisë nuk e kanë normalizuar dot situatën alarmante të shkaktuar nga zjarret e ditëve te fundit në vend. Pavarësisht paralajmërimeve të qytetarëve dhe medias, në shumë zona zjarret vijojnë prej ditësh, ndërsa angazhimi i vetëm i qeverisë ka qenë përpjekje me mjete rrethanore të papërshtatshme dhe servirja e videove te zyrës së propagandës.

Si në rastin e tërmetit, emergjencat civile dhe qeveria ndodhen totalisht të papërgatitura për t?u ardhur në ndihmë qytetarëve dhe për të shmangur pasojat e katastrofave natyrore.?-shkruan ndër të tjera Basha. (Lexo këtu)

Por, pas këtij postimi qytetarët kanë shpërthyer në komente kundër kreut të PD-së.

Qytetarët shkruajnë se vendi ka një qeveri gjysmake, dhe një opozitë inekzistente, duke e cilësuar këtë si fatkeqësi për shqiptarët.

?Ju jeni fatkeqësia e këtij populli: Një qeveri gjysmake dhe një opozitë inekzistente. Shyqyr që zgjoheni për të bërë opozitarin në fb, se në realitet jeni në letargji dimër e behar. Përgjegjësi buron si nga veprimi, ashtu dhe nga mosveprimi, ndaj përgjegjësi për këtë situatë keni padyshim dhe ju pseudoopozitarët?-shkruan një qytetar.

Ndërsa një tjetër shkruan ?Meqë qenke këput nga mërziadhe po të dhemb shpirti nga zjarret që po shkrumbojnë vendin, dil në terren Zotëri. Merrni skuadrën tuaj të PD e shko e fik zjarret kontriboni dhe ju?.

Po ashtu një tjetër qytetar shkruan ?Lufto” ti i pari për demokraci dhe liri mos i zhgënje votuesit. Ka filluar zhgënjimi! Mos harro.?

Më tej një tjetër komentues shkruan ?Qeveria dhe opozita u pasuruan duke lënë vendin në mëshiren e fatit?.

Gjithashtu një qytetar shkruan ?Lulush nuk zgjidhen problemet e zullumet e Rilindjes me FB, mos flej gjumë se nuk të vjen ky shanc më bëj diçka për vendin tënd?./CNA.al