web counter
LEXO PA REKLAMA!

SHKARKO APP

App Store
Google Play

E fundit!

x

Në Partinë Socialiste po “hanë kokat” e njëri tjetrit/ Si nisën eliminimet?

20 Korrik 2021, 08:33, Politikë CNA

Në Partinë Socialiste duket se po hanë ?kokat? e njëri tjetrit. Pasi fituan mandatin e tretë qeverisës, në PS, kanë plasur akuzat ndaj njëri tjetrit.

Struktura e Posaçme Antikorrupsion është bërë kryefjalë për ta.

Përplasjet brenda llojit dhe eliminimi i njëri tjetrit, kanë dalë në dritë edhe më herët, por janë bërë më prezente, pas lëvizjeve të fundit të SPAK, i cili arrestoi  zyrtarë të Partisë Socialiste, si kryebashkiakun e Lushnjes Fatos Tushe me disa vartës të tij apo dhe ish zëvendësministren e Brendshme Rovena Voda.

Fatos Tushe u përjashtua nga PS dhe kryeministri Edi Rama ?lau duart? sikur mos ta kishte njohur kurrë, në vend që të jepte përgjegjësi, pasi ka qenë ai, që e ka përzgjedhur Tushen për kryetar Bashkie dhe tashmë e bëri kurban.

Edhe në rastin e Rovena Vodës, bashkëshorti i kësaj të fundit, ndërsa përplasej me qytetarët në rrjete sociale ngriti dyshime se gruas së tij i është ngritur ?kurth? nga PS.

?Edhe diçka. uthullirat  brenda PS të kenë kujdes se do t?ua ul aciditetin deri në fund?, shkruante në rrjete sociale bashkëshorti i Vodës. Edhe nga Voda,  ashtu si në rastin Tushe, PS ka hequr dorë.

Së fundmi ka dalë deputeti socialist Petro Koçi, i cili tregoi hapur se në PS, janë bërë gati për të eliminuar njëri tjetrin. Pra ia dinë çdo gjë njëri-tjetrit, çdo krim, çdo korrupsion dhe deri më tani kanë heshtur.

Koçi prej disa ditësh radhazi ka vënë në shënjestër kryebashkiakun e Fierit Armando Subashi, ndonëse nuk përmend emër.

Pothuasje çdo ditë Koçi përsërit të njëjtat deklarata, si në rrjete sociale ashtu dhe në emisionet televizive. Ai u bën thirrje SPAK-ut që të zbresë në Fier, pasi sipas tij krimi po bën ligjin atje.

Për të treguar se këto deklarata i bën me aprovimin e kryeministrit Edi Rama, Koçi shprehet se Partia Socialiste nuk bën asnjë hap në luftën ndaj së keqes.

?Efektet e SPAK dhe të Reformës në Drejtësi po japin rezultat. Reforma në Drejtësi është meritë shembullore e PS. Bota e krimit dhe të korruptuarit kanë filluar të ndjejnë frikë nga ligji.

Këto efekte i mirëpresim edhe në Fier, ku duart e krimit janë shtrirë mbi financat publike?,

Këtë e realizojnë nëpërmjet lidhjeve të drejtpërdrejta me ndonjë titullar institucionesh. Nëpërmjet kërcënimit të zyrtarëve të caktuar që ekzekutojnë prokurimet. Nëpërmjet eleminimit të konkurentëve në procesin e tenderimit duke kërcënuar pronarët e subjekteve te biznesit.

Të fuqizuar, sidomos duke larë paratë e pista në industrinë e ndërtimit ata vazhdojnë të përvetësojne fitime kolosale nga taksat tona.

Organet ligjzbatuese nuk duhet të lejojnë që qyteti ynë t?i nënshtrohet botës së krimit të organizuar.

Partia Socialiste nuk bën  asnjë hap pas në luftën ndaj së keqes?. shkruan Koçi në rrjete sociale.

Nga ana tjetër kryebashkiaku i Fierit Armando Subashi ka zgjedhur të kundërpërgjigjet në rrjete sociale, duke postuar foto dhe video nga projekte të ndryshme që janë bërë në Bashkinë e Fierit.

Në panik, ai bën thirrje për durim, për të ndjekur punët që ai ka bërë në krye të Bashkisë. Nisur nga thirrjet pothuajse të përditshme të deputetit Koçi ndaj SPAK, Armando Subashi duket se nuk do të shpëtojë nga hetimet.

Një tjetër socialist që pritet të ketë fatin e Tushes dhe Subashit, është edhe kryebashkiaku i Vlorës, Dritan Leli.

Ky i fundit është sulmuar hapur nga kryeministri Edi Rama, disa herë radhazi.

Kritikat e para të kryeministrit Edi Rama ndaj kryebashkiakut Leli u regjistruan në korrik 2020.

Në një takim me strukturat e Partisë Socialiste të fshatit Zvërnec, Rama tha se Leli kishte shfaqur mangësi në drejtimin e bashkisë së Vlorës dhe në menaxhimin e punëve publike. Pak ditë vonë, gjatë një vizite në të njëjtën zonë, kryeministri shpalli emërimin e Afrim Qendros si nënkryetar të Bashkisë Vlorë.

Në Mars të këtij viti, Leli u përjashtuar nga PS. Përjashtimi i Lelit nga Partia Socialiste erdhi pasi kryebashkiaku i Vlorës refuzoi të japë dorëheqjen për t?u kandiduar si deputet, kur mësoi se i ishte ofruar një pozicion jo i favorshëm në listë.

Dhe që nga ajo kohë, Leli është vazhdimish në qendër të sulmeve kryeministrit Edi Rama.

Në një video të publikuar në 2 maj në  rrjetin social të kryeministrit, Rama shfaqet duke biseduar me një drejtues punimesh në kantierin e zgjerimit të lungomares, të cilit i thotë se punët duhet të ecin më shpejt dhe ata nuk duhet të presin ?të vdekurin e bashkisë?? (Lexo këtu)

Tashmë mbetet të presim kush është i radhës në listën e kryeministrit për t?u eliminuar dhe për t?ja dorëzuar drejtësisë/CNA.al





Lajmet e fundit nga