web counter
LEXO PA REKLAMA!

SHKARKO APP

App Store
Google Play

Paralajmërimi i pronarëve të bizneseve në Vlorë/ “Nuk tërhiqemi pa u plotësuar kërkesat”

19 Korrik 2021, 19:47, Aktualitet CNA

Pronarët e bizneseve në Vlorë nuk kanë hequr dorë nga protesta. Mbrëmjen e sotme ata kanë deklaruar se nëse nuk plotësohen kërkesat e tyre për zgjatjen e fashës orare të muzikës deri në 24:00 dhe orarin e lëvizjes deri nga 24:00 deri në 02:00, nuk do të tërhiqen nga protesta.

Zgjatjen me një orë të fashës orare nga qeveria ata e cilësuan si një ?karamele?

?Këtu është kulmi i protestës sonë, ne paralajmëruam mbyllje totale për 24 orë të bizneseve. Jemi mbledhur këtu të gjithë në një zë unanim, që ne këtë cështje e kemi problem serioz dhe është si puna e armëve kimike, që u mblodhën të gjithë, që nuk kishte asnjë lidhje politike, por është indinjatë e sinqertë që na prek të gjithëve. Të hiqet gardhi policor, nuk ka polici në sfond, por vetëm turizëm.

Fasha orare të paktën të kalojë deri në orën 02:00 dhe pa ndotjen akustike që e përmendi edhe kryeministri që jemi plotësisht dakord, por ne nuk mund të ndjekim dot klientët në orën 2 dhe me logjikë të shëndetshme nga ora 24:00 deri në 2 të mëngjesit klientët janë më në pakicë dhe ambienti është më i sigurt dhe qetë përsa i përket covid dhe ora muzikore që kërkuam, që ne na u duk si një karamele që na u dha nga ora 22:00 deri në 23:00, sidoqoftë faleminderit edhe për atë.

Ne kërkojmë që deri në 24:00 ne të kemi një sfond muzikor që të ushtrojmë biznesin tonë. Nesër do të vazhdojmë dhe do të presim përgjigjen e kryeministrit, jemi duke diskutuar për hapat e radhës?, është shprehur një prej biznesmenëve./ CNA.al





Lajmet e fundit nga