web counter
LEXO PA REKLAMA!

SHKARKO APP

App Store
Google Play

E fundit!

x

Një copë Porti për humbjen e Lulzim Bashës

14 Korrik 2021, 08:39, Politikë CNA

Pak javë më parë, Grida Duma, një nga zërat më të fortë zyrtar dhe krahu i djathtë i Lulzim Bashës, në një dalje të saj mediatike artikuloi një fjali.

?Nuk ka nevojë fare të të flasim me këtë gjuhë artificiale prej ujku që ndërron qimen. Porti i Durrësit për shembull është projekt nacional, nuk mund ta marrësh vetëm ti. Në kushtet që e di që opozita e vërtetë është në rrugë, edhe mund të presësh, siç u ule për kodin elektoral?, tha në atë kohë Grida Duma.

Ky qëndrim i Grida Dumës, në atë kohë nga CNA.al u interpretua si një ftesë për pazar. Një dorë e shtrirë për korrupsion, për aferë, për ndarje parash, nga taksat e shqiptarëve, nga fondet e investimeve që do të vinin në Shqipëri.

Shumë njerëz që e lexuan atë lajm reaguan ndryshe. E quajtën të pavërtetë, një lajthitje të vogël të Grida Dumës dhe një qëndrim jo korrekt nga ana jonë si media.

Por, koha tregoi se ne në atë kohë kishim të drejtë. Edi Rama po falte një copë nga investimet në Durrës, nga Porti dhe zona e projektit për zhvillim turistik tek Lulzim Basha. Thjeshtë dhe vetëm për pranimin e humbjes së zgjedhjeve nga ky i fundit.

Pas kërkesës publike të bërë nga Grida Duma, vjen dhe pranimi i ofertës nga Edi Rama dhe Lulzim Basha merr ?thelen? e tij. Një copë nga Porti i Durrësit, apo pronave që do të zhvillohen atje do ta merrte pa asnjë diskutim Lulzim Basha.

Skema duket e qartë. Kompani guackë offshore, vijnë në Shqipëri dhe administratorët e tyre janë ortakë dhe drejtues të kompanive të Erion Isufit, kunatit të Lulzim Bashës.

Kjo skemë është zbuluar me dokumenta qartazi nga MCN TV, e cila dje raportoi se njeriu i Erion Isfufit, ishte përfaqësuesi i kompanisë që do të merrte qindra mijëra hektarë tokë, në Port, për t?i zhvilluar në kuadër të projektit dy miliardë dollarë, nga EMAAR Group, i cili vjen nga Dubai në Durrës.

Tashmë nuk ka asnjë dyshim, një copë e miliardshit të zhvillimit të Durrësit i jepet Lulzim Bashës. Njeriut që humbi zgjedhjet. Dhe duket qartazi se kush ka qënë pazari që Lulzim Basha të humbte dhe Edi Rama të vazhdonte postin e kryeministrit. Copëza të tilla korrupsioni, parash të ndara nga pushteti i Edi Ramës me Lulzim Bashën, gjatë këtyre viteve do të shohim plot, ashtu siç pamë edhe gjatë tetë viteve të shkuara./CNA.al

Porti i Durrësit, pazar i pastër në tavolinë/ Si e paralajmëroi Grida Duma, në emër të Bashës

Ftesa për bashkëqeverisje/ Grida Duma kërkon pazare me Ramën për Portin e Durrësit

Skandali me projektin e Portit të Durrësit/ Shkarkohet nga detyra e administratori, pas të cilit fshihej kunati i Bashës





Lajmet e fundit nga