web counter
LEXO PA REKLAMA!

SHKARKO APP

App Store
Google Play

E fundit!

x

SPAK i vuri prangat/ Kush është kryebashkiaku i arrestuar për korrupsion

6 Korrik 2021, 08:34, Kronika CNA

Paraditen e sotme Prokuroria e Posaçme Anti-Korrupsion (SPAK) ka finalizuar një operacion masiv në Kadastrën e Lushnjes, në kuadër të të cilit janë arrestuar 10 persona, mes tyre edhe kryetari i Bashkisë së Lushnjes Fatos Tushe.

Fatos Tushe dyshohet se ka dhënë leje ndërtimi të paligjshme për subjekte dhe individë të caktuar duke shfrytëzuar pozitën e tij si kryebashkiak i Lushnjes.

Por, kush është Fatos Tushe

Fatos Tushe drejton këtë bashki prej 3 mandatesh, ndërsa përfaqëson Partinë Socialiste.

Emri i Fatos Tushes u lakua në media në fillim të vitit 2020, pasi iu bë një atentat i mbetur në tentativë, nga ish-shoferi i tij, Gëzim Saraçi.

Në atë kohë gazetarja Klodiana Lala tha se Saraçi ka qenë një ndër njerëzit më të besuar të kryebashkiakut, por pretendon se mes tyre ka konflikte të forta.

?Ish-shoferi ka qenë një ndër njerëzit më të besuar. Ai ka punuar si shoferi i tij deri në gjysmën e dytë të mandatit të dytë. Ka qenë ndër njerëzit më të besuar, sigurisht ka pasur konflikte të forta mes tyre. Së pari flitet për një borxh mes tyre, një borxh shumë të madh. Kryetari i bashkisë i kishte borxh shoferit. Në fakt ishte një shofer biznesmen që kishte një lokal, kishte një problem me alkoolin?, u shpreh gazetarja.(Lexo ketu)

Tushe ka qenë kryetar i bashkisë Lushnje edhe përgjatë vitet 2007?2009, më tej ai është zgjedhur deputet në legjislaturën XVIII deri më 31.03.2011. Më pas dha dorëheqjen sepse kandidoi për Bashkinë e Lushnjes në zgjedhjet lokale të vitit 2011, ku edhe arrititi të fitonte.

Gjatë kohës që ka drejtuar Bashkinë e Lushnjës ai është shenjëstruar jo pak herë nga Opozita.

Në vitin 2016 Tushe u bë pjesë e një ngjarje të pakëndshme me një tregtare, të cilën u tha se e kërcënoi, për shkak se ajo nuk pranonte të largohej nga vendi ku shiste.

Më pas në media u raportua se ai e ftoi në zyrën e tij, gruan që kërcënoi .

Për ngjarjen pati reagime edhe nga Avokati i Popullit dhe Partia Demokratike, ndërsa kryebashkiaku në atë kohë u shpreh i penduar për veprimet e tij.

CNA.al gjithashtu ka zbardhur edhe pasurinë e kryebashkiakut Tushe.

Kryebashkiaku i Ramës rezulton se në vitin 2010, kohën kur ka qenë deputet kishte në pronësi një shtëpi banimi 2-katëshe me sipërfaqe 118 m2, një apartament me sipërfaqe 60 m2 në Durrës, një tjetër apartament 70.38 m2 në Lushnjë.

Gjithashtu ai rezulton bashkëpronar me 50% i një toke me sip. 500 m2 në Voskopojë, blerë më 26.04.2006, në vlerën 1 500 000 lekë, pronar me 100% i një lokali me sip. 28.6 m2 në Lushnjë, blerë më 05.03.2010, në vlerën 1 720 590 lekë, pronar me 100% i një lokali me sip. 79 m2 në Lushnjë, blerë më 05.03.2010, në vlerën 4 752 680 lekë, pronar me 100% i një veture tip Mercedes Benz, blerë më 23.01.2006, në vlerën 850 000 lekë. Për më tepër rezulton se ka dhënë hua 70 000 euro një personi.

Më vonë ka deklaruar se dy prej lokaleve dhe makinave i ka shitur.

Në linkun më poshtë, pasuria e deklaruar nga Fatos Tushe, sipas të dhënave të Open Spending Albania./CNA.al

Në kërkim të një mandati tjetër/ Fatos Tushe me pasuri nga Durrësi në Velipojë

Operacion masiv anti-korrupsion/ SPAK arreston disa persona, mes tyre dhe politikanë





Lajmet e fundit nga