web counter
LEXO PA REKLAMA!

SHKARKO APP

App Store
Google Play

Masakra e Velipojës/ Pjerin Ndreu zbulon si zgjidhen konfliktet mes biznesmenëve në Lezhë

5 Korrik 2021, 21:02, Aktualitet CNA

Kryetari i Bashkisë së Lezhës, Pjerin Ndreu ka komentuar mbi tragjedinë e ndodhur pak ditë më parë në Velipojë.

Gjatë një interviste për Frontline, Ndreu është shprehur se në rastet kur ka patur konflikte, bashkia ka ndërhyrë dhe ka vendosur që pjesa e plazhit, për të cilën ka lindur konflikti mes biznesmenëve, të lihet plazh publik.

?Ne kemi bërë ndërhyrje të hershme bashkë me Policinë e Shtetit për të mos lejuar shumë struktura hotelerie që të vendosin shezlongë jashtë hapësirë së lejuar. Nuk ka pasur konflikte, kanë qenë shumë pak, dhe aty ku ka pasur konflikt kemi hyrë ne si bashki. Në një rast konflikt që kemi pasur, ne kemi pezulluar dhënien e stacionit të plazhit, duke rënë dakord që ndoshta do ta lëmë zonë publike, për shkak të përplasjes mes dy operatorëve. Ndërhyrja jonë si bashki ka dhënë efektin e vet, i kemi ulur operatorët, kemi biseduar me ta dhe nuk e kemi lënë situatën të agravojë. Ka edhe koka të nxehta që për pesë apo dhjetë shezlongë vriten. Ne e kemi zgjidhur, kemi ndërhyrë menjëherë?, është shprehur Pjerin Ndreu.

Pyetjes nëse mund të ishte shmangur masakra e Velipojës, Pjerin Ndreu iu përgjigj:

?Unë gjykoj situatën në Shëngjin, duhet të ishim më të shpejtë në dhënien e stacioneve të plazhit. Shumë struktura hotelerie kanë gabuar në aplikim. Nuk kanë bërë aplikimin e duhur. Interesi jonë është që të jepen stacionet e plazhit dhe të frekuentohet plazhi, por të jetë i disiplinuar. Mendoj se Shëngjini nuk do të ketë probleme këtë sezon. Është detyra jonë, e pushtetit lokal, që të menaxhojmë sezonin turistik. Neve nuk na falet që të rrimë në zyrë dhe të mos merremi me problemet. Nuk flas fare për Velipojën, unë marr përsipër të menaxhoj vetëm Bashkinë e Lezhës?, ka thënë Ndreu./ CNA.al 





Lajmet e fundit nga