web counter
LEXO PA REKLAMA!

SHKARKO APP

App Store
Google Play

Zgjedhjet e 25 Prillit/ Manjani: PS ka tejkaluar vullnetin e popullit në marrjen e mandateve

9 Qershor 2021, 20:08, Politikë CNA

Ish-ministri i Drejtësisë, Ylli Manjani thotë se sistemi zgjedhor i përdorur më 25 prill ka sjellë deformim të votës. Ai tha se PS ka marrë më shumë mandate se sa do t?i takonin në proporcion me përqindjen e votave.

?Pa diskutim që PS ka fituar zgjedhjet, PS ka tejkaluar vullnetin e popullit në marrjen e mandateve. Askush nuk thotë se sa për qind ka por shohin vetëm mandatet. Këto 74 mandate nuk kanë ardhur proporcionalisht nga 48% i votave të popullit por ka ardhur si rezultat i makinacionit elektoral?, tha z. Manjani.

Ndërsa për opozitën, tha se ?PD ka performuar më mirë se sa në zgjedhjet pararendëse pasi ka marrë 620 mijë vota nga 460 mijë vota që kishte?. Kjo tha z. Manjani ?Nuk tregon se është në krizë por jo të mjaftueshme për të qenë fitimtare?.

Për LSI, Ylli Manjani u shpreh se është më e ndëshkuara nga rregullat zgjedhore pasi me 100 mijë vota ka marrë vetëm 4 mandate kur duhet të kishte rreth 8 mandate.

Për ekspertin e sistemeve zgjedhore, Blendi Ceka rregullat ishin të ditura para zgjedhjeve por shtoi se kjo ka nevojë për një diskutim më thellë pasi në 2017 LSI arriti që të përkthente më mirë votat në mandate. Blendi Ceka shtoi se në një sistem kombëtar PS do të kishte më pak mandate.

Në këtë prizëm, sipas z. Manjani nëse opozita do të kishte mundësi për të hyrë në zgjedhje me listë të përbashkët, atëherë do të kishte të paktën 6 mandate më shumë. Përfundim që e mbështeti dhe z. Ceka, ndërsa z. Sejamini shtoi se shtrembëri vjen edhe për shkak të ndarjes në rajone./Euronews





Lajmet e fundit nga