web counter
LEXO PA REKLAMA!

SHKARKO APP

App Store
Google Play

“Gara nuk ekziston”/ Kadilli: PD ka nevojë për ndryshim rrënjësor

9 Qershor 2021, 18:01, Politikë CNA

Kandidati për kryetar të Partisë Demokratike, Fatbardh Kadilli, i cilësoi të pabarabarta kushtet e garës elektorale për zgjedhjet e 13 qershorit.

Kadilli pretendon se gara nuk ekziston, pasi pretendon se kryetarët e degëve dhe deputetët e zgjedhur po bëjnë fushatë për Lulzim Bashën, pasi ky i fundit i ka kandiduar për këto poste.

Teksa u ndal te takimet që ka zhvilluar gjatë ditëve të fundit, ai tha në Abc News se ka vënë re që demokratët janë të interesuar të dëgjojnë plane të qarta.

Sipas tij, liderit nuk i duhet vetëm karizëm për të drejtuar, por duhet të dijë të zgjerojë partinë.

?Ne nuk mund të rrimë në këtë grup strukturash që janë të ngurta, ne duhet të penetrojmë në shoqëri.

Lideri nuk drejton thjesht me magjinë e liderit që quhet karizëm. Duhet edhe diçka tjetër. Ndryshe nga të tjerët që kërkojnë korrigjime, unë kërkoj ndryshim rrënjësor.

Ne nuk duhet të jemi të obsesuar me individualitetin e liderit. Njeriu lëviz, partia mbetet. Kemi pasur një lider shumë të fortë që ishte zoti Berisha. Nuk jam idhull i zotit Berisha por kam respekt për zotësinë e tij, ishte i fortë, e mbante partinë të tonizuar, por të vogël, asnjëherë PD nuk ka dalë forcë e parë edhe në drejtimin e tij. Pse? Sepse ishim të obsesuar me liderin?, theksoi Kadilli./ CNA.al





Lajmet e fundit nga