web counter
LEXO PA REKLAMA!

SHKARKO APP

App Store
Google Play

Shkarkimi i Metës/ Ngjela: Unë i kam dhënë benefite, e mbron Kushtetuta

9 Qershor 2021, 19:11, Politikë CNA

Avokati Spartak Ngjela, deklaroi pak minuta më parë se presidenti Ilir Meta nuk mund ta dërgojë në Venecia vendimin e Kuvendit për shkarkimin e tij.

Ngjela tha se Metës nuk i lejohet ta bëjë këtë gjë, pasi pretendon se tagrin tashmë e ka Gjykata Kushtetuese.

?Në Venecia e çon Gjykata, jo Meta. Vendimin do ta japë Gjykata, nuk do ta japë i pandehuri. Se çfarë bën ti para se të shkojë në gjykatë, mund të bësh ça të duash, pasi të shkojë në gjykatë do vendimin e gjykatës?, u shpreh ai, ndërsa deklaroi në Fax News se i ka dhënë benefite Kreut të Shtetit.

Sipas avokatit, Metën e mbron Kushtetuta përsa kohë që të jetë në President.

?Presidentin e mbron kushtetuta. Si e mbron?? Unë ia kam dhënë benefitet, nuk i kam pasur të miat, kam qenë edhe në komisionin e Kushtetutës. Cila janë benefitet që përfiton? Çdo lloj krimi që mund të bëjë ordiner jashtë shkeljes së Kushtetutës duke qenë President, nuk ka asnjë vlerë, e mbron Kushtetuta. Sapo ikën shkon në gjykatë, por sa kohë është President jo?, theksoi Ngjela.

Ndërkohë, thirrjet e Kreut të Shtetit për të kapur sfurqet, ai i cilësoi si një krim normal të thjeshtë të Kodit Penal./ CNA.al





Lajmet e fundit nga