web counter
LEXO PA REKLAMA!

SHKARKO APP

App Store
Google Play

Integrimi i Shqipërisë në BE/ Bushati tregon pengesat që janë hasur gjatë procesit

8 Qershor 2021, 14:36, Politikë CNA

Ish ministri i Jashtëm Ditmir Bushati ka komentuar për procesin e integrimit të Shqipërisë në BE dhe marrëdhëniet me Greqinë.

Në një intervistë për IBNA (Independent Balkan Neës Agency), Bushati është shprehur se antarësimi i vendeve të Ballkanit Perëndimor është hasur gjithmonë me paqartësi drhe angazhime të paplota, ndërsa shton se rrugët mes BE-së dhe Ballkanit Perëndimor janë takuar shumë rrallë në të njëjtën pikë.

?Ditët e sotme, është e vështirë të thuhet me saktësi nëse fakti që unë e njoh këtë proces kaq mirë është një avantazh apo jo, për shkak të vetë ritmit të procesit të anëtarësimit në BE të rajonit tonë.

Procesi i anëtarësimit në BE të vendeve të Ballkanit Perëndimor është karakterizuar gjithnjë nga paqartësitë dhe angazhimet e paplota. Kjo u vërtetua qartësisht, sidomos pas krizës financiare të vitit 2008.

Që atëherë, rrugët mes BE-së dhe Ballkanit Perëndimor janë takuar shumë rrallë në të njëjtën pikë për sa i përket konvergjencës ekonomike dhe Evropianizimit të shpejtë.  Këto dy elementë janë qartësisht të ndërlidhur. Ato janë të pazëvendësueshëm për arritjen e një transformimi real në Ballkanin Perëndimor dhe rrugës së tij drejt anëtarësimit në BE?, tha Bushati./CNA.al





Lajmet e fundit nga