E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

“Bebet kanë lindur me minus nga borxhet e shtetit”/ Qytetarët i nxjerrin “bojën” Ramës

8 Qershor 2021, 09:17, Politikë CNA

Kryeministri Edi Rama ka bërë me dije se 15, 837 fëmijë të lindur në pesë muajt e fundit kanë përfituar bonusin e bebes.

Në një postim në rrjetet sociale, Rama shkruan se deri më tani janë mbështetur mbi 88 mijë familje me 40,000 lekë për fëmijën e parë, 80,000 për fëmijën e dytë dhe 120,000 lekë për fëmijën e tretë.

?MIRËMËNGJES dhe me lajmin e bukur se 15,837 fëmijë të lindur në pesë muajt e parë të vitit, kanë përfituar bonusin e bebes, e me kënaqësinë që deri tani kemi mbështetur mbi 88 mijë familje me 40,000 lekë për fëmijën e parë, 80,000 për fëmijën e dytë dhe 120,000 lekë për fëmijën e tretë, ju uroj një ditë të qetë?, shkruan Rama në postimin e tij.

Por, pas këtij postimi qytetarët kanë shpërthyer në komente kundër kreut të qeverisë.

Një qytetar ironizon Ramën, ndërsa shkruan se ?Sa mirë, fëmijet e Tiranës me këto para do kenë mundësinë të paguajnë Transportin urban për të ikur në klasë te parë. Si shtet dhe vend qe punon per te ardhmen e këtij vendi dhe këtij populli ,qeveria dhe Bashkia e Tiranës kujdesen që një 6-vjecar te paguajë 800 lek vajtje-ardhje në shkollë cdo ditë. Gjithmon nese ato 400 mijë lekë te vjetra prinderve te tyre nuk jua ka marrë mjekja e infermheret diten kur fëmija lind.?

Ndërsa një tjetër qytetar shkruan se djali i tij ka bërë 3 vjeç dhe nuk e ka marrë ende 5 mijë lekshin e bonusit.

?Këta mirë po djali im bëri 3 vjet dhe akoma se ka marrë 5 mijë lekëshin kur do e marrim apo kur të shkojë student?-shkruan qytetari.

Gjithashtu një tjetër shkruan se bebet e sotme lindin me borxhe. ?Shife si eshte tronditur Baby kur e ka kuptuar qe ka lindur me minus nga borxhet e shtetit.?-shkruan qytetari.

Më tej, një tjetër shkruan ?Po 5000 lekshin e famshëm për fëmijët e lindur ne 2017 dhe disa vite te tjera, je në dijeni nga kanë humbur??

Po ashtu një tjetër qytetar shkruan se qeveria shqiptare duhet të bëjë si gjithë bota, dhe të japë bonus për fëmijën deri në moshën 18 vjeç.

?Mirë është por fëmija nuk do vetëm kur lind lekë, por edhe në rritje të kenë lekë çdo muaj, si gjithë bota që u jep fëmijëve çdo muaj?-shkruan qytetari.

Ndërsa një tjetër qytetar kthen vëmendjen tek situata e rëndë kriminale në vend, ndërsa shkruan ?Lëri lindjet ti po merr masa për vrasjet qe po ndodhin cdo ditë?.

Më poshtë disa nga komentet e qytetarëve:/CNA.al