web counter
LEXO PA REKLAMA!

SHKARKO APP

App Store
Google Play

Situata kriminale/ Meta thirrje policisë: Ruani rendin dhe sigurinë

4 Qershor 2021, 15:08, Politikë CNA

Presidenti Ilir Meta ka folur për ngjarjet kriminale të ndodhura kohët e fundit në vend. Në një postim në rrjetet sociale Meta ka akuzuar policinë si të paaftë.

Presidenti i ka bërë thirrje policisë së shtetit që të ruajnë rendin dhe sigurinë.

Sipas tij, është e nevojshme që të parandalohen të gjitha këto ngjarje të parandalohen, të hetohen dhe autorët të marrin ndëshkimin e duhur ligjor.

?Ngjarjet shumë të rënda kriminale, me pasojë dhjetëra humbje jetësh dhe dëmtimin e shëndetit dhe të pronës së qytetarëve, që po ndodhin në mes të ditës, në ambientet publike, në zemër të qendrave urbane, deri edhe pranë institucioneve të larta të sigurisë, janë thellësisht tronditëse dhe një dëshmi e qartë jo vetëm e revanshit të krimit, por edhe e paaftësisë së Policisë së Shtetit dhe të strukturave të tjera të sigurisë dhe të zbatimit të ligjit, për parandalimin e tyre.

Në këtë situatë kaq shqetësuese, që ka krijuar një pasiguri të madhe publike, i bëj thirrje Policisë së Shtetit, që në veçanti, ka për mision dhe përgjegjësi thelbësore ruajtjen e rendit dhe të sigurisë, garantimin e zbatimit të ligjit dhe mbrojtjes së jetës dhe pronës së qytetarëve, që të shkundet nga apatia dhe të përmbushë me rigorozitet të gjitha detyrimet e saj ligjore, duke luftuar krimin në çdo qelizë të shoqërisë dhe larguar prej saj çdo nëpunës të korruptuar dhe të lidhur me ?botën e errët?.

Është tepër e domosdoshme, që të tilla vepra të rënda penale të parandalohen në kohë, të zbulohen, të hetohen dhe autorët e tyre të marrin ndëshkimin e merituar ligjor!

Ndaj ju bëj thirrje të gjitha institucioneve të sigurisë kombëtare, në veçanti Shërbimit Informativ të Shtetit, Policisë së Shtetit dhe Prokurorisë të vendosin një bashkëpunim më të gjerë, më dinamik dhe efiçient mes tyre?, ka shkruar Meta./ CNA.al

 





Lajmet e fundit nga