Gropa elektorale e Erion Braçes&Co në Fier/ PS humbi mijëra vota të 2017

4 Qershor 2021, 08:34, Politikë CNA

Partia Socialiste në Qarkun e Fierit, ka marrë një goditje jo të vogël nga zgjedhjet e 25 Prillit.

Krahasuar me vitin 2017, ka pësuar rënie mjaft të ndjeshme në këtë qark, i cili kishte si drejtues politik zëvendëskryeministrin Erion Braçe.

Ndonëse kishte të gjithë pushtetin vendor me vete, Braçe dhe kompania e tij, dështuan të kalonin rezultatet e vitit 2017, madje humbën mijëra e mijëra vota që kishin marrë në zgjedhjet e kaluara parlamentare.

Dështimi më i madh sipas rezultateve zyrtare të KQZ është prodhuar në Fier dhe Lushnje.

Në zgjedhjet parlamentare të 2017, në PS në Divjakë mori 13 095 vota, në Fier mori 38 426 vota, në Lushnje mori 28 579 vota, në Mallakastër 7 375 vota, në Patos mori 8 874 vota dhe në Roskovec mori 7 813 vota.

Në zgjedhjet parlamentare të 25 Prillit 2021, PS, mori në Divjakë, 9714 vota, në Fier mori 36 638 vota, në Lushnje mori, 24 794 vota, në Mallakastër mori 6443 vota, në Patos mori 7 707 vota dhe në Roskovec 6 276 vota.

Diferenca e votave ne qarkun e Fierit 2017-2021, është e tillë:

Në Divjakë ? 3381 vota, në Fier ? 1778 vota, në Lushnjë – 3785 vota, në Mallakastër ? 932 vota, në Patos ? 1167 vota dhe në Roskovec ? 1537 vota.

Dështimi i zëvendëskryeministrit Erion Braçe dhe kompanisë së tij, ku bëjnë pjesë edhe kryebashkiakët, të cilët kanë një përgjegjësi të drejpërdrejtë për humbjen, pasqyrohet me shifra.

Erion Braçe që ishte i pari në listë, dha një sërë premtimesh gjatë fushatës elektorale, premtime që herë herë dukeshin tallëse, pasi fliste për ujë e rrugë, në vitin 2021.

Braçe, gjatë fushatës u shfaq me premtime si 24 orë ujë për Fierin, Mallakastrën, Patosin, Roskovecin, Lushnjën qytet e fshat, Divjakën-Çermën, Grabianin e Remasin.

Por, udhëheqja e kryebashkiakëve të Qarkut të Fierit duket se ka qenë e dobët dhe dështimet u janë përplasur në fytyrë me vota.

Me numra mandatesh, PS vërtet ka fituar në Qarkun e Fieri , por ndërkohë ka humbur mijëra e mijëra vota që i kishte në 2017, pikërisht për shkak të lëtyre premtimeve që nuk janë mbajtur dhe që u përsëritën nga Braçe dhe shokë të tij.

Braçe premtoi investime në infrastrukturën rrugore, përkatësisht në Mallakastër lidhjen me autostradën, Bylisin e lashtë, në Roskovec rrugën e unazës jugore me tregun historik.

Premtoi në Lushnje urbanizimin total, në Divjakë parkun më të madh të energjisë diellore. Pavarësisht këtyre premtimeve, nuk mund të siguronte votat që morën në zgjedhjet parlamentare të 2017-ës./CNA.al