web counter
LEXO PA REKLAMA!

SHKARKO APP

App Store
Google Play

E fundit!

x

Skualifikimi i Ibsen Elezit nga gara/ Zyrtari i PD-së hedh poshtë pretendimet e Bashës

23 Maj 2021, 21:01, Politikë CNA

Kryesia e Partisë Demokratike, në mbledhjen e bërë mbrëmjen e sotme, përjashtoi nga gara për kryetar ish-kryetarin e degës së Kukësit, Ibsen Elezin, me pretendimin se ky i fundit ka tentuar që të denigrojë dhe të dëmtojë Partinë Demokratike.

Por këta pretendime janë hedhur poshtë para pak ditësh nga drejtuesi i qarkut të Kukësit Flamur Hoxha, i cili ka deklaruar se Elezi ka punuar për të mirën e partisë.

Në 11 maj, Hoxha dilte kundër demokratëve që sulmonin Elezin dhe shkuante në rrjetet sociale se Elezi nuk ka ndihmuar kryeministrin Edi Rama gjatë fushatës, por ka ndihmuar atë dhe PD-në.

I pari i qarkut të Kukësit vinte në dukje se tipari themelor i demokracisë është respektimi i tjetrit ashtu si edhe i rregullave të lojës.

?Respektoj të gjithë kontribuesit në PD me gjithë mënyrat dhe rrugët që na ndajnë dhe na bashkojnë serish!

Një nga dukuritë mbizotëruese pas 25 Prillit, për një numër demokratësh nga forume të PD apo jashtë saj, është mosdurimi për të ndryshuar lidershipin, revanshi kundër Bashës dhe defokusimi nga krimi zgjedhor i qeverisë Rama

Kjo gjë sigurisht që ka ngjallur reagime nga masa e demokratëve, dhe përderisa ruhet norma e sjelljes dhe e vërteta, gjithçka është e mirkuptueshme. Por unë nuk pajtohem me spekullimet e caktuara lidhur me ish-kryetarin e PD të Kukësit Ibsen Elezi, ku pretendohet se ai paska ndihmuar në këtë  fushatë drejtuesin politik të rilindjes.

Do të jem parimor dhe në krah të së drejtes, nga mbështetja që mora një gjë të tillë nuk e ka bërë dhe distancohem nga spekullime të tilla.

Tipari themelor i demokracisë është respektimi i tjetrit ashtu si edhe i rregullave të lojës?, theksonte Hoxha./ CNA.al





Lajmet e fundit nga