web counter
LEXO PA REKLAMA!

SHKARKO APP

App Store
Google Play

E fundit!

x

Ibsen Elezi skualifikohet nga gara për kryetar të PD/ Harxhi: Akt i rëndë dhe i pajustifikueshëm

23 Maj 2021, 18:40, Politikë CNA

Ish-anëtarja e Këshillit Kombëtar të Partisë Demokratike, Edit Harxhi, ka reaguar pasi Kryesia e PD-së skualifikoi 5 persona nga gara për kryetar dhe miratoi vetëm 4.

Skualifikimin e kandidatëve Harxhi e ka cilësuar si një akt të rëndë, ndërsa deklaron se kreu i opozitës Lulzim Basha edhe në këtë rast u tregua besëprerë.

Ajo është ndalur konkretisht te përjashtimi nga gara i ish-kreut të degës së PD-së së Kukësit, Ibsen Elezit, vendim për të cilin thotë se është i pajustifikueshëm dhe i rëndë.

?Përjashtimi nga gara i kandidatëve për Kryetar Partie është akt i rëndë për një Parti të djathtë për të cilën Kryetari i saj aktual ka premtuar disa herë sistem përballje (primaresh), por edhe në këtë rast si në raste të tjera ishte besëprerë. Në veçanti përjashtimi nga gara i Ibsen Elezit njërit prej kandidatëve të Grupit për PD-në, si një nga zërat opozitarë më të paepur në Shqipëri, ish Kryetar i Partisë Demokratike të Kuksit dhe ish-Kryetar i Qarkut të Kuksit, ish-anëtar i Këshillit Kombëtar, është i pajustifikueshëm dhe i rëndë. Z. Elezi prej disa vitesh kërkon reformimin e thellë të Partisë nga marrja peng e saj nga një njeri i vetëm. Ne do ta vazhdojmë së bashku si grup këtë betejë për reformim pavarësisht pengesave të qëllimshme nga Kryetari aktual?, shkruan ajo në rrjetet sociale.

Ndërkohë, kujtojmë se nga gara janë skualifikuar Ibsen Elezi, Admir Mulaj, Edmond Vrapi, Sabri Hoxha dhe Mirjan Jashanllari, ndërsa janë miratuar Lulzim Basha, Fatbardh Kadilli, Edith Harxhi dhe Agron Shehaj./ CNA.al

Zbardhet vendimi i kryesisë/ Pse u skualifikua nga gara Ibsen Elezi





Lajmet e fundit nga