E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

Nishani “fshikullon” Bashën/ “Nuk mbajti fjalën, gënjeu demokratët”

16 Maj 2021, 19:51, Politikë CNA

Ish-Presidenti Bujar Nishani, aktualisht kryetar i Këshillit Kombëtar të PD, ka kritikuar ashpër kryetarin e opozitës Lulzim Basha për humbjen e zgjedhjeve.

Gjatë fjalës në Këshillin Kombëtar të PD-së, Nishani tha se PD edhe në këto zgjedhje doli parti e dytë me diferencë të madhe votash, ndërsa pretendon se opozita thjesht është kthyer 2,5 vite pas, aty ku dogji mandatet.

Ai theksoi se Lulzim Basha u dha garanci demokratëve se vota e shqiptarëve nuk do të preket, nuk do të tjetërsohet dhe nuk e mbajti fjalën, duke gënjyer kështu demokratët.

?Më 25 prill vetëm 46% e votuesve shqiptarë u sensibilizuan, u bindën e u angazhuan në pjesmarrjen e votimeve.

Historia e ndryshimeve të forta politike kudo ka treguar se kur populli është i motivuar thellësisht për ndryshimin, ai derdhet si dallgë në qëndrat e votimit për të bërë ndryshimin.

Ne vetë e premtuam këtë gjatë fushatës elektorale. Por dështuam ta realizojmë dallgën popullore për ndryshim!

PD me formulën elektorale që u paraqit arriti të marrë më shumë vota se në 2017 por përsëri më pak se në 2013 kur humbëm, e lamë pushtetin dhe shumë njerëz morën përgjegjësitë personale politike ne këtë parti.

Pas 25 prillit maxhoranca socialiste mbajti përsëri 77 mandate sa kishte në 2017. Pas 8 vitesh qeverisje plot skandale, korrupsion e urrejtje popullore ndaj PS, PD rezulton 9,5 pike % poshte PS. Pra përsëri parti e dytë me diferencë të madhe.

Qartazi PS e shtoi thesin e saj elektoral me vota të blera, me përdorimin e pushtetit, parave, krimit etj etj, por ne nuk arritëm ta mbushim thesin tonë elektoral për të qënë fitues.

Në zgjedhje ose fiton ose humb! Në mes nuk ka! Ne po e nisim legjislaturën e shtatorit të 2021 atje ku e lamë legjislaturën e shkurtit të 2019. Pra, thjesht jemi kthyer 2,5 vite pas!

U dhanë garanci demokratëve se vota e shqiptarëve nuk do të preket, nuk do të tjetërsohet, nuk e mbajtëm fjalën! Deklaruam se fitorja është në kuti, kur proçesi i votimit u mbyll. I gënjyem demokratët!?, nënvizoi ish-presidenti./ CNA.al