web counter
LEXO PA REKLAMA!

SHKARKO APP

App Store
Google Play

E fundit!

x

Astrit Patozi: Një falenderim për Lulin dhe doktorin

16 Maj 2021, 18:53, Politikë CNA

Kryesia e Partisë Demokratike ka miratuar 13 qershorin për datën e zgjedhjeve të kryetarit të ri të PD-së, duke i zhvendosur zgjedhjet nga korriku.

Procesi hapet më 16 maj deri më 22 maj, më 23 paraqiten kandidaturat, ndërkohë që fushata do të jetë mes datave 24 maj dhe 11 qershor.

Për këtë ka ardhur edhe reagimi i ish-koordinatorit të Bindjes Demokratike, Astrit Patozi, i cili falenderon Lulzim Bashën dhe Sali Berishën.

Patozi tregon se 22 korriku është ditëlindja e tij, ndaj në vitin 2013 pati propozuar që zgjedhjet të mbaheshin në datë 22.

Me tone ironike, ai deklaron se i kanë hequr një siklet të madh, pasi thekson se i ishte krijuar bindja që derisa të vdiste do duronte që një herë në katër vite për ditëlindjen e tij të merrte lajmin e rizgjedhjet së Bashës kryetar të PD-së.

?Për ata që nuk e dinë apo nuk e mbajnë mend, 22 korriku është ditëlindja ime dhe kam qenë unë, që e kam propozuar të jetë dita e zgjedhjeve për kryetarin e PD në vitin 2013. Asokohe mbaj mend bezdinë e Sali Berishës me kokën ulur në mbledhjen e kryesisë, por edhe ia njoh “meritën”, që nuk e kundërshtoi, sepse ndoshta të tilla ishin rrethanat.

Ndërsa sot i falenderoj të dy njëkohësisht, Lulzim Bashën dhe doktorin, për vendimin e tyre të fundit që zgjedhjet për kryetarin e PD do të zhvillohen më 13 qershor.

Të paktën më kanë hequr një siklet të madh. Sepse më ishte krijuar bindja se deri sa të vdisja, do të duroja që një herë në katër vjet, dhe çdo 22 korrik, të merrja njoftimin e rizgjedhjes së Lulzim Bashës si kryetar të Partisë Demokratike (pas humbjes).

Të paktën, 22 korriku nuk do të jetë më datë historike, dhe kjo nuk është arritje e vogël.

Sa për ata që do të ndjekin dhe do të mbështesin procesin e 13 qershorit, nuk kam asnjë koment. Mes tyre dhe Lulit me doktorin, do të zgjidhja gjithmonë këta të dytët. Por unë e kam marrë tashmë prej kohësh vendimin, nuk zgjedh asnjërin prej tyre, ndaj edhe jam jashtë çdo konflikti interesi?, shkruan Patozi në rrjetet sociale./ CNA.al





Lajmet e fundit nga