web counter
LEXO PA REKLAMA!

SHKARKO APP

App Store
Google Play

Kërcënoi gazetarin Ergys Kavaja/ Bushati e pranon: U përfshiva emocionalisht

5 Maj 2021, 21:32, Politikë CNA

Drejtuesi politik i qarkut të Shkodrës Helidon Bushati i ka kërkuar ndjesë publike gazetarit Ergys Kavaja pas kërcënimeve dhe fyerjeve që ka bërë kundrejt tij. Deputeti i zgjedhur i Partisë Demokratike ka pranuar se e ka fyer gazetarin, ndërsa shton se është përfshirë emocionalisht dhe ka tejkaluar caqet dhe thyerjet e etikës.

Në një postim në rrjetin social Bushati shprehet se ndjesa e tij është e sinqertë dhe do të jetë po ai personi që e njohin qytetarët shkodran.

?Në formimin tim dhe në edukaten time qytetare që rrjedh nder breza, nuk ka vend për fyerje dhe presione. Ndaj askujt. Jam dhe do te jem Helidoni që të gjithë më njohin.

Fatkeqësisht, ndodh të jem edhe unë njeri gjaku dhe mishi. Njeri i emocioneve, sidomos kur luftoj dhe e dua të miren. E aq më teper, kur kjo e mirë tenton të sfumohet në dëm të Shkodres. Në dëm të këtij qyteti që duhet të fitojë mbi të keqen.

U perfshiva emocionalisht në një situatë të tillë me gazetarin Ergys Kavaja, të tejkalimit të caqeve dhe të thyrjes së etikes. Prandaj, dua te jem i njëjti Helidon që të gjithë më njohin, dhe ndjesa ime eshte e sinqertë. Kam qene dhe do të mbes gjithmone miku i të gjitheve, dhe i gazetarëve. Kërkoj ndjesë dhe mirëkuptim. Në çdo moment, perballë kujtdo, le të jete e mira që e mund të keqen?, ka shkruar Bushati./ CNA.al





Lajmet e fundit nga