E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

Meta nën hetim nga SPAK/ Spartak Ngjela zbulon pse dështuan kryengritjet e Presidentit

2 Maj 2021, 11:10, Politikë CNA

Avokati Spartak Ngjela ka paralajmëruar ky muaj do të sjellë zhvillime të reja në jetën politike.

Ngjela ka komentuar sjelljet dhe reagimet e Presidentit Ilir Meta para, përgjatë dhe pas procesit zgjedhor të 25 Prillit.

Sipas tij, korrupsioni i lartë shtetëror, nën flamurin e zi të banditizmit Meta, nuk po priste më shumë fitoren e Partisë Demokratike, sesa motivin për të bërë kryengritje.

?Po cili ishte motivi?

Motivi ishte i paracaktuar, sipas deklarimeve që u bënë gjatë gjithë muajit prill nga krerët e opozitës. Ata në kor përsëritën rëndom gjatë fushatës se: “do të na vjedhin votat; do të na grabisin fitoren”.

Dhe kjo ishte arsyeja që një pseudo-president si Ilir Meta na tha: “data 26 prill do të jetë dita e përmbysjes”, por, më përpara na kishte thënë se “do t’iu pres duart vjedhësve të votave”.

Pikërisht për këtë, na duhet të pyesim: ka qenë marrëzi kjo, apo pritshmëri??, është shprehur Ngjela.

Më tej Ngjela tek mënyra e ndryshimit të sjelljes së Metës, i cili paralajmëronte kryengritje.

?Po në Tiranë, ku janë tani kalanderët e kryengritjes?

Janë fshehur e nuk dalin. Kurse Metën, komandantin e kryengritjes, po e shkarkojnë, dhe Meta tani i qënka kthyer respektimit të sistemit ligjor. Pse kjo kthesë?!!

E dini pse?

Sepse këtu janë 8000 trupa të ushtrisë amerikane, dhe ende ne nuk e dimë kërcënimin që ambasadorja amerikane Yuri Kim i bëri para disa ditësh me mesazh Ilir Metës.

Vërtet mendonte ky fakir se mund të bënte një kryengritje proruse në një vend të Natos?!

Po Rama? Të shohim, a do ta çojë deri në fund shkarkimin e Metës këtë herë?

Nuk besoj se është në dorë të Ramës ky proces tani?, shprehet në tej Ngjela, ndërsa shton se e gjithë shpresa e shpëtimit të Shqipërisë është e përqëndruar te SPAK-u.

Ngjela ka parashikuar se cili do të jetë fati i Metës në ditët në vijim.

?Ecuria me etapa të shpejta kohore, kuptohet se do të jetë kjo:

Shkarkimi i presidentit Ilir Meta dhe procesi penal kundër tij.

Po pastaj?

Pastaj, menjëherë duhet të nisë hetimi i korrupsionit të lartë shtetëror.

Tani që dosjet janë gati, SPAK që po drejtohet nga ekspertët amerikanë, si do të operojë??, ka përfunduar me pyetje, reagimi i Ngjelës./CNA.al