web counter
LEXO PA REKLAMA!

SHKARKO APP

App Store
Google Play

Kurti premton rritje të pagës minimale/ “Do të shkojë deri në 250 euro"

1 Maj 2021, 14:59, Kosova & Bota CNA

Kryeministri i Kosovës Albin Kurti nëpërmjet një postimi në rrjetet sociale ka bërë me dije se do të rritet rroga minimale deri në 250 euro. Në ditën ndërkombëtare të puntorëve ai  ka theksuar se qeveria e tij do të marrë masa që të sigurojë që çdo vend pune të jetë me kontratë pune dhe jo më shumë se 40 orë pune të rregullt në javë.

Ndër të tjera Kurti shtoi se nga paga minimale do të përjashtojmë nga tatimi në të ardhurat personale, dhe do ta rishikojmë vazhdimisht në mënyrë që ajo të reflektojë ngritjen e të ardhurës kombëtare në vend.

?Do të punojmë me prioritet për punësimin e grave, të rinjve dhe komuniteteve joshumicë. Do të marrim masa që sigurojnë që çdo vend pune të jetë me kontratë, me kontribute pensionale të paguara dhe të ketë jo më shumë se 40 orë pune të rregullt në javë. Do ta pesëfishojmë numrin e inspektorëve që të kemi siguri në punë dhe të sigurohemi për korrektimin e padrejtësisve që mund t?u bëhen punëtorëvë në vendet e tyre të punës. Pagën minimale do ta rrisim fillimisht në 250 euro, do ta përjashtojmë nga tatimi në të ardhurat pensionale, dhe do ta rishikojmë vazhdimisht në mënyrë që ajo të reflektojë ngritjen e të ardhurës kombëtare në vend?, ka shkruar Kurti./ CNA.al





Lajmet e fundit nga