web counter
LEXO PA REKLAMA!

SHKARKO APP

App Store
Google Play

Reja: U ndjeva mirë në Shkodër, do flasim me drejtuesit e Federatës

20 Prill 2021, 11:39, Sport CNA

Trajneri i kombëtares, Edi Reja ka qenë së fundmi në Shkodër për të ndjekur nga afër seancat stërvitore të Përfaqësueseve Rajonale të Shkodrës për grupmoshat U13, U14 dhe U15. Së bashku me Rejën kanë qenë edhe dy zëvendëstrajnerët Serxho Porrini e Ervin Bulku, po ashtu edhe drejtori teknik Xhankarlo Kamoleze me specialistin e ekipeve kombëtare, Sulejman Memën. Pasi kanë ndjekur nga afër të gjithë veprimtarin, Reja është shprehur shumë i kënaqur, ndërsa shton se do të flitet edhe me drejtuesit e Federatës që të kenë një linjë dhe program të qartë.

?U ndjeva shumë mirë në Shkodër, duke parë pothuajse 100 lojtarë që stërviteshin me entusiasëm dhe dëshirë për fanellën që mbanin veshur. Gjith?ka ishte e organizuar shumë mirë në fushën e lojës dhe kjo sigurisht që meriton vlerësim, duke parë që puna ecën përpara përtej vështirësi momentale. Kjo është pjesë e projektit të drejtorit Camolese. Unë mund vetëm të jap këshilla, orientime nga pikëpamja teknike së bashku me bashkëpunëtorët e mi Porrini dhe Bulku.

Kemi parë dhe ndjekur gjith?ka në detaje. E qartë që tani do të flasim me drejtuesit e Federatës për ti dhënë një linjë dhe një program të qartë. Ne do të ndikojmë shumë më shumë me përfundimin e pandemisë, me stafet tona që do të jenë shumë herë më të pranishme pranë përfaqësueseve rajonale dhe skuadrave të moshave, për të hedhur piketa të rëndësishme për një të ardhme të mirë?, u shpreh trajneri Reja për fshf.org.





Lajmet e fundit nga