web counter
LEXO PA REKLAMA!

SHKARKO APP

App Store
Google Play

E fundit!

x

Tottenhami "piketon" pasuesin e Jose Mourinhos

19 Prill 2021, 20:45, Sport CNA

Klubi i Totenhem me sa duket ka identifikuar prej kohësh se kush do të ishte pasardhësi i Zhoze Murinjos në rast largumi të trajnerit portugez dhe me shkarkimin e tij sot, ka nisur plani për të siguruar firmën e tij. Mediat në Angli raportojnë se Julian Nagelsman është emri i preferuar i drejtuesve dhe raportohet se edhe vetë tekniku ka qenë i ndërgjegjshëm për interesimin.

Trajneri gjerman, aktualisht në stolin e Lajpcigut, është përfolur shpesh si një kandidat i mundshëm për skuadra si Real Madrid apo Bajern Mynih. Por burimet e medieve angleze insistojnë se është gati të firmosë për londinezët nëse zyrtarizohet oferta e tyre. Pikërisht interesimi i klubeve të tjera të mëdha evropiane për 33-vjeçarin është ajo që mund të pengojë firmën në verë.

Nagelsman ka filluar të drejtojë që në moshën 28-vjeçare fillimisht te Hofenhajm e më pas te Lajpcig, duke treguar aftësitë e tij të jashtëzakonshme në analizimin e ndeshjeve. Si për ironi të fatit, nofka që ai mban që në fillimet e tij si trajner është mini-Murinjo, për mënyrën se si arrin të organizojë ekipet dhe të motivojë lojtarët.





Lajmet e fundit nga