web counter
LEXO PA REKLAMA!

SHKARKO APP

E fundit!

x

“Portieri më i mirë në historinë e klubit”, media italiane i “thur” elozhe Etrit Berishës: Krahasim vetëm me… Bugatin

31 Mars 2021, 18:15, Sport CNA

Gardiani i Kombëtares Shqiptare, Etrit Berisha, aktualisht mbron portën e skuadrës së Spalit prej dy sezonesh, në Serinë B italiane.

Rendimenti i 32 vjeçarit tek italianët ka qenë i lartë dhe Berisha ka fituar vendin e titullarit tek emilianët, teksa në Itali janë të shumtë ata që e lavdërojnë portierin shqiptar. Gazeta italiane ?ilrestodelcarlino?, ka hapur artikullin e saj duke thurur elozhe për Berishën, ku nuk ngurron ta quajë si portierin më të mirë në historinë e Spalit.

Artikulli vazhdon më tej teksa e krahason Berishën me legjendën Otavio Bugati, i cili kishte mbrojtur portën e Spalit në vitet 50? dhe kishte ngelur një legjendë që në ato vite. Sipas gazetës, Berisha lë pas dhe Aleks Meret, i riu i cili pas dy sezoneve tek Spal u largua për tek Napoli për tu zëvendësuar më pas nga Berisha tek skuadra e Spalit.  ?Berisha mbërriti me një përvojë të pasur që e bën atë ndoshta më të mirin ndonjëherë, më të besuarin dhe më të kompletuarin e parë në stadiumin ?Paolo Mazza? të skuadrës së Spalit?, e mbyll artikullin e saj gazeta italiane.





Lajmet e fundit nga