web counter
LEXO PA REKLAMA!

SHKARKO APP

App Store
Google Play

“I doli zot Atdheut si kryeministër në një kohë të rëndë”/ Ruçi: Lamtumirë Bashkim vëllai ynë

29 Mars 2021, 08:19, Aktualitet CNA

Kryetari i Kuvendit, Gramoz Ruçi ka përcjellë mesazhin e tij ngushëllues për ndarjen nga jeta e ish kryeministrit dhe deputetit socialist Bashkim Fino.

Ai u shpreh se Fino i doli zot Atdheut në një kohë të rëndë si shtetar dhe patriot gjatë periudhës më të vështirë të tranzicionit.

Gjithashtu ai e ka vlerësuar Bashkimin si një nga njerëzit më të mirë të Shqipërisë.

?Sot u nda nga jeta kolegu ynë, Bashkim Fino. Bashkimi humbi betejën për jetën duke na shkaktuar të gjithëve, familjes, kolegëve, miqve, një humbje të pazëvëndësueshme. Bashkim Fino ishte një ndër njerëzit më të mirë të Shqipërisë, politikan, kryetar bashkie, deputet dhe ministër ndër më të shquarit. Shërbeu me devotshmëri për disa legjislatura si deputet i qarkut Fier dhe fitoi besimin dhe dashurinë e të gjithëve. Bashkimi i doli zot atdheut si Kryeministër në një kohë të rëndë dhe shërbeu si shtetar dhe patriot gjatë periudhës më të vështirë të tranzicionit. Ishte vëllai, kolegu dhe miku ynë, buzëqeshja e të cilit nuk do të na ndahet përjetë. Lamtumirë, Bashkim, vëllai ynë i dashur dhe i paharruar!?, shkruan Kryetari i Kuvendit, Gramoz Ruçi./ CNA.al





Lajmet e fundit nga