web counter
LEXO PA REKLAMA!

SHKARKO APP

E fundit!

x

Muça kritik: Reja nuk ka dhënë asgjë të bukur, është skematik

26 Mars 2021, 11:03, Sport CNA

Shkëlqim Muça ka qenë kritik në analizën e bërë pas ndeshjes së djeshme kundër Andorrës. Sipas tij, loja e kuqezinjve ka qenë shumë konfuze dhe e fokusuar nga krahët, aty ku kundërshtari e kishte të lehtë për të ndalur aksionet.

?Të më thotë dikush se në çfarë pozicioni luante Memushaj ndaj Andorrës! Shkonte në krahun e majtë dhe përplasej me Lenjanin. Nuk e kuptova çfarë roli kishte në fushë! Skuadrës i mungonte totalisht kreativiteti.

Hapja e lojës nga krahët është gjithnjë në favor të kundërshtarit. Nëse luan në qendër, atëherë kur organizon manovrën, Memushaj mund të dilte menjëherë pas dy sulmuesve nëse topin e qarkullonte Gjasula.

Manaj dhe Cikalleshi e kishin të vështirë të merrnin topa dhe detyroheshin të ktheheshin në mesfushë. Morëm tri pikë dhe gjithashtu mendoj se humbëm tri pikë për mënyrën si luajtëm.

Të gjitha ekipet do t?i marrin pikët e plota me Andorrën dhe San Marinon, mirëpo duhet të na japë shpresë loja. Kjo nuk ndodhi. Deri tani Reja nuk është se na ka dhënë diçka të bukur. Ai është një trajner skematik, që bazohet te 3-5-2?, deklaroi Muça për ?RTSH?.





Lajmet e fundit nga