web counter
LEXO PA REKLAMA!

SHKARKO APP

App Store
Google Play

E fundit!

x

Ronaldo thyen një tjetër rekord me Portugalinë

26 Mars 2021, 08:11, Sport CNA

?Shumë e rëndësishme ta nisnim rrugëtimin tonë të kualifikueseve në Botëror me një fitore. Urime skuadrës!? Kristiano Ronaldo festoi në rrjetet sociale suksesin e Portugalisë së tij 1-0 ndaj Azerbajxhanit të Xhani de Biazit, ndeshje e luajtur në ?Allianz Stadium? të Torinos. Kampioni 36- vjeçar nuk mundi dot të shënonte, por kjo nuk e pengoi që të vazhdojë të thyejë rekorde të tjera edhe me fanellën e përfaqësueses. Me ndeshjen e së mërkurës, kaluan 17 vite e 215 ditë mes ndeshjes së parë dhe të fundit të tij me kombëtaren.

Tani ai është shërbëtori më jetëgjatë i luzitanëve, duke thyer rekordin e Vitor Damasit me 150 ditë. Rikardo Kuarezma, Luis Figo, Humberto Koelho, Silvinjo Louro, Zhoao Silva Pinto dhe Fernando Gomesh janë gjithashtu në listën e lojtarëve që i kanë shërbyer më gjatë kombëtares së tyre. I pari me mbi 15 vite, 3 të tjerët me mbi 14 vite dhe i fundit me mbi 13 vite. Pepe, i cili renditet pas Gomeshit, ka gjithashtu 13 vite që luan me përfaqësuesen portugeze.

Nëse skuadra e Fernando Santosit do të kualifikohet në finalet e Katar 2022, për CR7 do të ishte Botërori i pestë në karrierë pas atyre në 2006, 2010, 2014 dhe 2018. Nëse ai do t?ia dalë të shkojë në Katar, do të barazonte rekordin e tre futbollistëve që kanë qenë gjithashtu pjesë e 5 kampionateve botërore: Antonio Karbajal, Lotar Mateus dhe Rafael Markez. Edhe Bufon është mes 22 lojtarëve të grumbulluar nga Çezare Prandeli në Francë 1998, por ishte Xhanluka Paljuka ai që u aktivizua në çdo minutë të 5 ndeshjeve të Italisë në Francë.





Lajmet e fundit nga