web counter
LEXO PA REKLAMA!

SHKARKO APP

App Store
Google Play

E do Napoli dhe Juventusi, Bajrami: Synoj Botërorin me kombëtaren shqiptare

15 Mars 2021, 12:18, Sport CNA

Nedim Bajrami është një nga futbollistët që ka spikatur më së shumti jo vetëm te Empoli në këtë sezon, por në të gjithë kampionatin e Serisë B. Mesfushori shqiptar ka qenë në vëmendjen e mediave në këto ditë, duke qenë se zgjodhi të përfaqësojë Shqipërinë dhe jo Zvicrën, aty ku është aktivizuar me të gjithë kombëtaret e moshave.

Ndërkohë, menjëherë edhe trajneri Edi Reja ka konfirmuar se 22-vjeçari do të jetë pjesë e kuqezinjve për ndeshjet e marsit të vlefshme për Botërorin e Katarit 2022. Sakaq, nga Italia theksojnë se Bajrami i Empolit të vendit të parë në Serinë B, ka rënë në sy edhe të gjigandëve të elitës si Napoli dhe Juventus. Megjithatë, vetë shqiptari thekson se për momentin është i përqëndruar vetëm te Empoli për të arritur objektivat personal dhe të skuadrës.

Roli te Empoli- ?Kam mësuar shumë me Dionisin, më ka ndryshuar edhe pozicion. Me Marinon luaja si anësor i majtë, megjithatë mund t?i bëj të dyja rolet. Ky me Empolin është një kampionat i vështirë, i lodhshëm. Por, fitorja me Viçenzën na ka dhënë më shumë besim, mund t?ia dalim. Të vazhdojmë kështu?.

Napoli dhe Juventus në gjurmët tuaja? ?Vërtet?! Për momentin mendoj vetëm për Empolin?.

Zgjedhja për të luajtur me Shqipërinë? ?E kisha menduar dhe dëshira rritej çdo ditë e më shumë, fola me prindërit dhe disa miq. Por, zgjedhja erdhi nga zemra ime. Të shkoj në Serinë A është ëndrra ime, por nuk është mjaftueshëm. Dua të shkoj në Botëror me Shqipërinë edhe pse grupi është shumë i vështirë?, u shpreh Bajrami.





Lajmet e fundit nga