E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

OBSH thirrje të vaksinuarve/ Vazhdoni mbani maska, praktikoni masat paradaluese

14 Mars 2021, 18:59, Lifestyle CNA

Organizata Botërore e Shëndetësisë ka këshilluar me forcë personat e vaksinuar kundër Covid-19 të vazhdojnë të praktikojnë masat e distancimit shoqëror, larjen e shpeshtë të duarve dhe mbajtjen e maskave.

Dr. Katherine O’Brien, Drejtoresha e OBSH-së për Departamentin e Imunizimit, Vaksinave dhe Biologjikëve, tha se koronavirusi po vazhdon të përhapet nëpër botë dhe do të duhet bashkëpunim nga qytetarët.

?Ne jemi akoma duke mësuar se çfarë mund të bëjnë vaksinat, a mund të mbrojnë ato nga infektimi dhe transmetimi te dikush tjetër. Dhe kështu, për sa kohë duhet të vazhdojmë këto masa paraprake, do të varet vërtet nga ajo që mund të bëjnë popullsitë dhe vendet për ta shtypur me të vërtetë këtë virus për të shkatërruar transmetimin. Dhe në atë mënyrë vaksinat mund të bëjnë punën e tyre më të mirë në parandalimin e sëmundjeve?, u shpreh ajo gjatë një interviste me Vismita Gupta-Smith të WHO Communications.

Ajo gjithashtu theksoi se ndërsa kanë provuar shkallë të efektivitetit të vaksinave në mbrojtjen e personit që inokulohet, mbetet për të provuar.

Dr. O’Brien tha se ndërkohë që provat klinike kanë treguar se vaksinat janë efektive, mbetet për të provuar nëse individi i vaksinuar mund të transmetojë ose jo virusin tek një person tjetër.

?Mos harroni se ne nuk kemi fakte ende për përdorimin e vaksinës në disa grupe moshe, nuk kemi prova për përdorimin e vaksinave tek fëmijët, për shembull. Për momentin, ato grupmosha do të vazhdojnë të jenë të rrezikuara nga sëmundje dhe infeksion dhe të jenë në gjendje t’u transmetojnë njerëzve të tjerë“, theksoi Dr. O’Brien më tej.

?Koha do të tregojë pasi të kemi një mbulim të gjerë të vaksinimit në komunitet. Kur dimë më shumë se çfarë mund të bëjë vaksina në të vërtetë për të parandaluar infeksionin. Ne mund të fillojmë ngadalë të heqim këmbën nga pedali i këtyre ndërhyrjeve të tjera dhe të sigurohemi që transmetimi të mos fillojë të përshkallëzohet përsëri?, nënvizoi ajo./ CNA.al