E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Sukseset e Eduart Halimit si spektakle servilizmi dhe dështimi

8 Mars 2021, 12:34, Politikë CNA

Eduart Halimi u rikthye dje në politikë, ashtu siç pritej dhe ishte parashikuar edhe nga CNA.al për gati dy vite më parë, ku ish deputeti dhe ish ministri i Drejtësisë tërhiqej nga grupi parlamentar i PD me argumentin e angazhimit në fushat e tjera.

Në fakt, në atë kohë në korridoret e PD deklaronin se Eduart Halimi vuante nga një sëmundje e rëndë, e kështu hapi fjalën ndoshta vetë, apo të tjerët që ai të ikte, të largohej nga grupi parlamentar i PD për të parë jetën dhe aktivitetin e tij privat.

Nga ana tjetër, në korridore thoshin se një kontratë e huaj e parezistueshme i ishte afruar Halimit, i cili në fakt nuk kishte bërë gjë tjetër, por kishte bërë pazar për reformën në drejtësi, së bashku me Lulzim Bashën, kujtojmë këtu edhe një përplasje të fortë të Halimit me Sali Berishën, por që u kalua në heshtje në korridoret e opozitës.

Sukseset e Eduart Halimit janë të mëdha në fakt, u bë ministër pasi mori ?peng? Kolegjin Zgjedhor të vitit 2011, të famshmin ku shumica e gjyqtarëve tashmë janë shkarkuar nga vettingu në drejtësi. Në atë kohë, i siguroj Lulzim Bashës mandatin pas rinumërimit të disa kutive të votave të hedhura gabim, si shpërblim mori postin e ministrit të Drejtësisë.

Në vitin 2013 Sali Berisha e kandidoj në Durrës, ku dështoi në mënyrë të turpshme, mori rezultatin më të dobët historik që kishte marrë PD deri në atë kohë. Qëndroi afër Lulzim Bashës, interesave të tij, megjithëse gjatë kohës së pushtetit të PD deri sa kapi postin e ministrit rrinte pranë njerëzve më të fuqishëm në PD.

Në 2017 Lulzim Basha e çoi në Berat. Edhe aty mori rezultatin më të dobët historik të PD në atë qark. Pra vetëm një mandat deputeti. E kaloj LSI, merita e Eduart Halimit PD në Berat dilte forca e tretë.

U largua nga grupi parlamenatar, deklaroi se nuk do të kthehej më në politikë, e kishte mbyllur me politikën, kishte gjetur 1001 justifikime për opinionin publik dhe dje u rikthye për t?i shërbyer mikut të tij Luli Basha gjoja për disa halle të mëdha. Në fakt, mesa duket Lulzim Basha Eduart Halimin e ka vënë roje të disa zyrtarucëve të tij në institucionet publike.

Pra Halimi do të jetë një vëzhgues i KQZ, do të shikojë se si do të sillen Hegla Vuka dhe Elvis Cefa apo edhe Ledion Brahon. Në fakt, këtë të fundit më shumë e vëzhgon kunati, por gjithsesi nga një ish ministër e një drejtues qarke, të ikësh nga politika dhe pastaj të kthehesh si roje gazhdi, këtë sukses mund ta ketë vetëm mjeshtri Eduart Halimi, i cili është një servil i pashoq i liderave sepse po ta shohësh me kujdes në politikë asnjëherë nuk ka fituar, por vetëm ka dështuar. Tani nga një ish deputet dhe ish ministër u kthye në roje i emëruar i Lulzim Bashës, por edhe një paralajmërim për humbjen e këtij të fundit pasi me Eduart Halimin sa herë nga pas PD vetëm ka humbur./CNA.al

Si doli nga dera dhe po futet nga penxherja në politikë, Eduard Halimi

Për ty Halim, që di këndim

Si u katandis Eduard Halimi

A do të kandidojë për deputet?/ Eduart Halimi tregon pse e pranoi ftesën e Bashës për rikthimin në PD

Dha dorëheqjen për të ndjekur ëndrrat/ Eduart Halimi rikthehet në PD, ky është posti që ka marrë