E fundit!

09:56 Denoncim

“Lumë” presioni në rrjetet sociale/ Të famshmit në “shënjestër”, kush po i nxit për protestat

Protestat e ditëve të fundit të lidhur me situatën në Zvër...

Muça “kryqëzon” Partizanin: Nuk kanë krijimtari në lojë

8 Mars 2021, 07:30, Sport CNA

Shkëlqim Muça mendon se Partizani nuk është në nivelet që pritet nga skuadra kryeqytetase. Sipas tij, ekipi tani është i parashikueshëm në mënyrën se si ndërton manovrën e duhet të ndryshojë diçka sidomos në mesfushë. Në ?Rubrika Sportive? ai ia atribuoi humbjen me Skënderbeun pikërisht orientimit taktik, të kombinuar me mungesën e dëshirës.

?Partizani është skuadër e lexueshme, shume skematike, ku lojtarët kanë të përcaktuar rolet taktike. Por në ndeshje të veçanta, duhet të jesh më i ekuilibruar, kur luan me ekip inferior duhet të kesh më shumë iniciative. Marrim Bardhin e Muratajn, dy lojtarë që Daja i ka vendosur dhe dublojnë në mbrojtësit që marrin më shumë pjesë në aksion, por duan të shkojnë përpara se shoh që ata nuk kanë liri veprimi, se u është vënë barriera.

Edhe sulmi i çdo lloj aksioni që bën Partizani fillon me anësorët dhe është i lexueshëm se dihet tani, hapen mbrojtësit dhe shkojnë te ata. Edhe sulmuesit, duke u futur nga brenda, nuk ka hapësirë dhe është ekip më i lexueshëm. Murataj që ishte pranë golit te Bylisi, tani është dublant i Malës, rri mbrapa. Por duhet më shumë krijimtari në 30 metrat e fundit.

Partizani humbi qetësinë pas golit, filloi vetëm me goditje standarde, në 30 metrat e fundit ka vështirësi, nuk ka shumë krijimtari, janë shumë skematikë. Duhet se si luajnë Murataj me Bardhin që janë aq larg sa me raste nuk shkëmbejnë topin. Po të marrësh tre të Laçit me ata të Partizanit, ata pasojnë e këta nuk pasojnë.

Partizani ka krijuar stereotip loje, por sot përveç kësaj nuk kishte as dëshirë, agresivitet. 3 sulmuesit kryesorë mund të kenë gjuajtur 3 herë në portë. Ishte lojë shumë e vakët, por është humbje që i dhemb në këto momente se ke lënë pikë me skuadër që në letër e ke menduar të fituar. Mala, Bardhi, Asani e Murataj unë i shoh sulmues. Të tjerët t?i vendosë trajneri, Broja e Kote janë, katër mbrojtësit janë?, tha Muça.