web counter
LEXO PA REKLAMA!

SHKARKO APP

App Store
Google Play

E fundit!

x

Covid-19/ Si ndikon Vitamina B6 në imunitet, dhe në stuhinë e citokinave?

4 Mars 2021, 14:52, Lifestyle CNA

Nga Dr. Blerta Brati, mjeke mikrobiologe pranë ISHP

Studiuesit zbulojnë përfitimet e mundshme të vitaminës B6 në zbutjen e efekteve të Covid-19, duke përfshirë zvogëlimin e stuhisë së citokinës.

Nuk është e pazakontë që pacientët Covid-19 të paraqesin atë që quhet “stuhi citokine”, ose një stuhi inflamatore në trup, e cila konsiston në një reagim të tepërt të sistemit imunitar.

Për të parandaluar këtë, vitamina B6, e gjetur në banane ose peshk, mund të jetë efektive, sipas studiuesve japonezë që po botojnë një studim mbi këtë çështje në revistën Frontiers in Nutrition.

Vitamina B6 ka një lidhje të ngushtë me sistemin imunitar. Nivelet e saj gjithmonë bien në njerëzit që vuajnë nga inflamacion kronik si mbipesha, diabeti dhe sëmundjet e zemrës “, thone studiuesit e këtij studimi, Thanutchaporn Kumrungsee (Universiteti i Hiroshima), në një deklaratë të transmetuar nga EurekAlert.

Ata kujtojne që tromboza (mpiksja e gjakut) dhe stuhia e citokinës (hiper inflamacioni) mund të lidhen ngushtë me ashpërsinë e COVID-19. Kjo sepse stuhitë e citokinave ndodhin kur sistemi imunitar është tepër i aktivizuar dhe fillon të sulmojë qelizat e shëndetshme.

Që nga fillimi i krizës Covid-19, ushqyerja është eksploruar për të parandaluar ose edhe zvogëluar simptomat e sëmundjes. Vitaminat D dhe C janë përshëndetur tashmë për vetitë e tyre anti-inflamatore, vitamina B6 do të shtohet në listën e përbërësve natyralë të aftë të kufizojnë efektet e dëmshme të koronavirusit, përveç veprimeve pengesë.

VITAMINA B6 do te parandaloje mpiksjen e gjakut.

Përveç që është një anti-inflamator i mirë, vitamina B6 do të kishte avantazhin e të qenit anti-trombotik, domethënë se bën të mundur hollimin e gjakut dhe parandalimin e formimit të mpiksjeve, të cilat mund të dëmtojnë organet (zemrën, mushkëritë , mëlçisë dhe veshkave), sepse ato janë më pak të ujitura, apo edhe përgjegjëse për vdekjet e lidhura me Covid-19.

Në përgjithësi, studiuesit theksojnë se vitamina B6 parandalon gjithashtu sëmundjet kardiovaskulare, diabetin (duke qetësuar inflamacionin), stresin oksidativ, i cili konsiston në një çekuilibër midis radikaleve të lira dhe antioksidantëve, duke çuar në një dobësi të sistemit imunitar.

Nga ana tjetër, ne tashmë e dimë që një mungesë e vitaminës B6 mund t’ju bëjë më të prekshëm nga infeksionet virale. Ndërsa një studim klinik është i nevojshëm për të konfirmuar këto vëzhgime, studiuesit besojnë se ngrënia e një diete të pasur me vitaminë B6 mund të jetë e dobishme në kohën e një krize Covid-19./CNA.al





Lajmet e fundit nga