E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Nga pasuria tek drejtimi i togave të zeza/ Gjyqtarja që “refuzoi” trafikantin e drogës

28 Shkurt 2021, 09:23, Vetingu CNA

Gjyqtarja Elsa Ulliri arrit të zgjidhej zëvendës-kryetare e Gjykatës së Lezhës, në vitin 2019, ndonëse kishte një eksperiencë prej rreth gjashtë vitesh.

Ajo u votua nga kolegët e saj, ndërsa u eliminua kandidati tjetër Artan Hajredinaj, i cili mori vetëm një votë.

Gjyqtari Ulliri, është lakuar në media, pasi refuzoi t?i jepte lirinë një të dënuari për trafik droge.

Bëhet fjalë për Jurgen Molla, i cili ishte dënuar për trafik droge nga Gjykata e Krimeve të Rënda, në datën 25 nëntor 2019 dhe kishte depozituar në gjykatën e Lezhës një kërkesë për lirim me kusht.

Një kërkesë të parë të depozituar në muajin shtator 2019, Molla e kishte depozituar në gjykatën e Lezhës, për ulje dënimi me 90 ditë, mirëpo kjo kërkesë, është rrëzuar në 4 nëntor 2019 nga gjyqtarja Elsa Ulliri.

Jurgen Molla njihet si një nga ndërtuesit e shumtë në Tiranë, që ka ndërtuar në zonën e Yzberishtit. Molla ka qenë pjesë e një grupi kriminal që trafikonte heroinë dhe rezulton i dënuar me 8.8 vite burgim nga Gjykata e Apelit për Krime të Rënda.

Për gjyqytaren Ulliri, hetimet-Vetting kanë nisur që në Dhjetor 2019.

Sa i përket pasurisë gjyqtarja rezulton se jeton vetëm me pagën e saj. Ndërsa patundshmëri deklaron trashëgiminë që i ka lënë babai, ku zotëron 20%.

Ajo deklaron si trashëgimi një shtëpi banimi 3 kate, truall 300 m2, ndërtesë 120 m2, arë 9243 m3 me vlerë 70 000 000 lekë si dhe tokë arë 6 700 m2, me vlerë 13 400 000 lekë.

Më poshtë po sjellim pasurinë e deklaruar nga numri dy i Gjykatës së Lezhës Elsa Ulliri.

Viti 2013 (Deklarata fillestare)

Shtëpi banimi 3 kate, truall 300 m2, ndërtesa 120 m2, arë 9243 m3 me vlerë 70 000 000 lekë. Trashëguar nga babai.

Tokë arë 6 700 m2, me vlerë 13 400 000 lekë. Trashëguar nga babai.

Viti 2013 (Deklarata vjetore)

Të ardhura të subjektit deklarues si gjyqtare në Tiranë, 218 449 lekë.

Viti 2014

Llogari rrjedhëse -40 000 lekë.

Të ardhura të subjektit deklarues si gjyqtare në Tiranë, 998 802 lekë.

Viti 2015

Gjendje në llogarinë rrjedhëse 120 201.69 lekë.

Të ardhura të subjektit deklarues si gjyqtare në Tiranë, 735 124 lekë.